Foto: © Sputnik / Abzal Kaliev
Kommýnaldyq sala qyzmetkerleriniń jalaqysy 135 myń teńgeden 200-300 myń teńgege deiin ósedi. Bul týraly Ulttyq ekonomika ministri Álibek Qýantyrov málimdedi, dep habarlaidy Sputnik Qazaqstan.
Onyń aitýynsha, kommýnaldyq kásiporyndar qyzmetiniń tiimdiligin arttyrý úshin "Tabiǵi monopoliialar týraly" zańnyń 22-babyna ózgerister engizilgen.
Sonyń biri – kommýnaldyq sala qyzmetkerleriniń, iaǵni santehnik, elektrik, dánekerleýshilerdiń jalaqysyn 50%-dan 100%-ǵa deiin kóterý.
"Osylaisha, ortasha jalaqy sala men óńirge bailanysty 135 myń teńgeden 200-300 myń teńgege deiin ósedi. Bul turǵyn úi-kommýnaldyq sharýashylyq salasyndaǵy 200 myńǵa jýyq jumysshyǵa áser etedi", - dedi Qýantyrov Úkimet otyrysynda.
Ekinshisi – iesiz jelilerdi kezeń-kezeńimen berý.
Osylaisha, 25 myń shaqyrymnan astam kommýnaldyq jeli senimgerlik basqarýǵa jáne kommýnaldyq menshikke beriledi.
Ministr qabyldanǵan túzetýler kommýnaldyq kásiporyndardyń iesiz jelilerdi ustaýǵa jáne paidalanýǵa jumsaǵan shyǵyndaryn óteýge múmkindik beretinin atap ótti.
