Illiýstratsiia: pexels.com
Aqparat jáne áleýmettik damý ministri Asqar Ýmarov balalardy kiberbýllingten qorǵaý týraly zań jobasy týraly aitty, - dep habarlaidy Tengrinews.kz.
"Áleýmettik jelilerdi birden buǵattaidy degen aqparat jalǵan. Eger NQA saityn ashyp qarasa, balalardy kiberbýllingten qorǵaý týraly zań Senattan ótkennen keiin qabyldanýy múmkin ekenin kórýge bolady. Olar Senattan óte me, joq pa belgisiz. Sebebi qazir qyzý talqylaýlar júrip jatyr. Biz tyńdaýshy memlekette turamyz, sondyqtan birinshi talqylaýǵa salamyz.
Zań qabyldanǵan kúnniń ózinde áleýmettik jeli ákimshilikteri biz usynǵan talaptardy oryndaǵysy kelmese ǵana shekteý týraly másele týyndaidy", - dedi ministr Úkimet otyrysy aiasynda.
Onyń aitýynsha, zań jobasynyń normalary qabyldansa, áleýmettik jeliler Qazaqstanda óz ókilin taǵaiyndaýy kerek.
"Negizi, áleýmettik jeliler ókil jiberse olarmen bailanysý ońaiyraq bolatyn edi. Balalardy qorlaityn kontent anyqtalsa birden habarlasyp sheshetindei. Los-Andjeleske nemese Maiamige suraý jiberip, ony ailap, jyldap kútip otyrmaityndai", - dedi ministr.
