Ekologiia, geologiia jáne tabiǵi resýrstar ministri Serikqali Brekeshev Kaspii itbalyqtarynyń qyrylýyna qatysty yqtimal sebepti atady, - dep habarlaidy Tengrinews.kz agenttigi.
"7 qarashada itbalyqtar ólgeni anyqtaldy. Ólgen itbalyqtar sany 141-ge jetti. Dereý shara qoldanyldy, barlyq memlekettik organnan komissiia quryldy. Jasyn anyqtaý úshin kesý jumystary júrgizildi, saraptama jasaldy", - dedi Brekeshev Májiliste.
Onyń aitýynsha, nátijesi bir aidyń ishinde daiyn bolady.
"Yqtimal sebepterdiń biri: kúkirtsýteginiń bólinýi bolýy múmkin. Itbalyqtar ottegin jinap, dem alyp, sý astyna qaita júzý úshin joǵary qarai júzedi. Itbalyqtardyń ólimine qandai da bir gaz bólinýi áser etken bolýy múmkin", - dedi ministr.
Ekologiia ministriniń aitýynsha, Kaspii teńizinde 300 myńnan asa itbalyq bar.
"Biz qoryqty qalyptastyrý, sondai-aq Kaspii teńizi jáne bioártúrlilik máseleleri jónindegi memlekettik institýtty uiymdastyrý jumystaryn júrgizip jatyrmyz, - dedi Serikqali Brekeshev.
Eske salaiyq, 8 qarashada Mańǵystaý oblysyndaǵy Kaspii teńiziniń jaǵalaýynda 100-den asa óli itbalyq tabylǵany habarlanǵan bolatyn.
