Foto: atr.kz
Ekologiia, geologiia jáne tabiǵi resýrstar ministri Serikqali Brekeshev Kaspii teńizinde itbalyqtardyń jappai qyrylýynyń naqty sebebi 15 qańtarǵa deiin anyqtalatynyn aitty, - dep habarlaidy Tengrinews.kz portaly.
"Itbalyqtar boiynsha naqty aqparat 15 qańtarǵa deiin shyǵady. Múmkin, nusqalardyń biri retinde, gazdyń shyǵýy qarastyrylatyn shyǵar. Kútemiz", - dedi Brekeshev.
Jýrnalister Prezident Qasym-Jomart Toqaevtyń óńirdegi ekologiialyq problemany sheshýge bergen talabyn oryndaý úshin ministr Kaspiige qashan barǵanyn surady.
"Men ózim Kaspiige baryp zertteýmen ainalysqan joqpyn. Biraq biz qazir Memleket basshysynyń tapsyrmasy aiasynda Kaspii teńizi máseleleri boiynsha zertteý institýtyn quryp jatyrmyz", - dep moiyndady Brekeshev.
Sondai-aq jýrnalister ministrdiń nelikten Mańǵystaý oblysyna jeke ózi, tipti halyqpen josparly kezdesýge de barmaitynyn surady.
"Ókinishke orai, jumys kestem múmkindik bermeidi", - dep jaýap berdi Brekeshev.
