Mádeniet jáne sport ministri Aqtoty Raiymqulova Nur-Sultan qalasynda kinostýdiia salý ideiasyna qatysty pikir bildirdi, dep habarlaidy "Ult aqparat".
Ortalyq kommýnikatsiialar qyzmetinde ótken brifingte Aqtoty Raiymqulovaǵa elordada «Qazaqfilm» kino stýdiiasyna balama nysan salý jobasynyń taǵdyry týraly suraq qoiyldy.
«Kinematografiia týraly zań qabyldanǵannan keiin Nur-Sultanda jeke kinostýdiia salý máselesi kóterilgen bolatyn. Biraq aýdit júrgizip, talqylaýlar jasai kelip qazaq kionsynyń brendi – Almatyda ornalasqan Sháken Aimanov atyndaǵy «Qazaqfilm» kinostýdiiasyn odan ári damytý jáne jańǵyrtý týraly sheshim qabyldandy. Sondyqtan elordada jańa kinostýdiia salý máselesi jabyq. Ondai másele qaralyp jatqan joq», - dedi sala jetekshisi.
