Ulttyq ekonomika ministri Timýr Súleimenov EAEO elderinde biryńǵai elektrondy valiýta engizýge qarsy ekenin málimdedi, dep habarlaidy "Ult aqparat" Sputnik Qazaqstan agenttigine silteme jasap.
Reseidiń qarjy ministrligi EAEO elderinde (Qazaqstan, Resei, Belarýs, Qyrǵyzstan jáne Armeniia) transshekaralyq esep júiesine biryńǵai elektrondy valiýta engizý ideiasyn qoldaǵan bolatyn.
Búgin májilis kýlýarynda ulttyq ekonomika ministri Timýr Súleimenov bul ideiany qoldamaitynyn ashyq aitty.
"Biz qoldamaimyz. Bul meniń jeke ári saiasi tulǵa retindegi pozitsiiam", - dedi ministr.
Súleimenovtiń pikirinshe, ulttyq valiýta – tý, eltańba, ánuran siiaqty el egemendiginiń simvoly. Sondyqtan ony barynsha qorǵap, damytyp, saqtaýymyz kerek.
"Qandai da bir kvazi, proksivaliýtalarǵa jol bermeýimiz kerek", — dedi ol.
Ministr bul usynysty Reseidiń ulttyq tólem keńesi jasaǵanyn atap ótti.
"Bul - usynys emes, ony reseilik ulttyq tólem odaǵy talqylap jatyr. Olarda birqatar usynystar bar kórinedi, alaida bul usynys reseilik tarappen resmi jariia etilmegen. Dál osylai Qazaqstan qarjygerler qaýymdastyǵy da usynys jasai alady, — dedi Súleimenov.
