Búgin halyq aldynda esep berý kezdesýinde QR Densaýlyq saqtaý ministri Aleksei Tsoi salada josparlanǵan qadamdardy jariialady, dep habarlaidy "Ult aqparat".
«Densaýlyq saqtaý salasynda qajetti qaita qurý vektoryn aiqyndaý úshin biz densaýlyq saqtaý júiesiniń odan ári damý perspektivalarynyń paiymyn qalyptastyrdyq. Olar densaýlyq saqtaý tiimdiligin arttyrýǵa, meditsinalyq kómektiń qoljetimdiligi men sapasyn qamtamasyz etýge baǵyttalatyn bolady. Usynylǵan modelde biz patsienttiń qajettilikterine basty basymdyq berýdi josparlap otyrmyz», - dedi ministr.
Onyń aitýynsha, osy qajettilik negizinde densaýlyq saqtaý uiymdaryndaǵy servisti jaqsartý, meditsinalyq uiymdardy qajettilikke sáikes kadrlyq qamtamasyz etý, densaýlyq saqtaýdaǵy protsesterdi avtomattandyrý jáne aqparattandyrý bóliginde jedel sheshimder qabyldanýy tiis.
«Sondai-aq densaýlyq saqtaý salasyndaǵy qajetti standarttardy, normativtik quqyqtyq aktilerdi ázirleý, eń aldymen, halyqtyń qajettiligine qarai qalyptastyrylatyn bolady. Meditsinalyq kómektiń qoljetimdiligin qamtamasyz etý jáne sapasyn arttyrý úshin meditsinalyq uiymdardy materialdyq-tehnikalyq qamtamasyz etý, densaýlyq saqtaýdyń jańa obektilerin salý nemese tozǵan obektilerdi jóndeý boiynsha sharalar qabyldanatyn bolady», - ded A. Tsoi.
Nátijesinde densaýlyq saqtaý júiesi mynadai baǵyttar boiynsha jetildiriletin bolady:
1. Aýylǵa basymdyq bere otyryp, meditsinalyq kómektiń qoljetimdiligin arttyrý.
2. Meditsinalyq-sanitariialyq alǵashqy kómekti odan ári kúsheitý.
3. Meditsina qyzmetkerleri quzyretteriniń ósýin yntalandyrý.
4. Halyq únine qulaq asatyn densaýlyq saqtaý.
5. Patsienttiń dárilik jáne biologiialyq qaýipsizdigi.
