Búgin halyq aldynda esep berý kezdesýinde QR Densaýlyq saqtaý ministri Aleksei Tsoi sybailas jemqorlyqqa tosqaýyl qadamdaryn aitty, dep habarlaidy "Ult aqparat".
«Sońǵy ýaqytta densaýlyq saqtaý uiymdaryndaǵy sybailas jemqorlyq týraly kóp aitylady. Osyǵan bailanysty, biz Densaýlyq saqtaý ministrliginiń, Áleýmettik meditsinalyq saqtandyrý qorynyń jáne SQ-Farmatsiianyń qyzmetindegi sybailas jemqorlyq táýekelderine syrtqy taldaýdy uiymdastyrdyq. QR Sybailas jemqorlyqqa qarsy is-qimyl agenttigimen birlesip Densaýlyq saqtaý salasynda sybailas jemqorlyq táýekelderin boldyrmaý jónindegi Jol kartasy ázirlendi», - dedi ministr Ortalyq kommýnikatsiialar qyzmetinde.
Osy oraida ol sybailas jemqorlyqpen kúresý úshin densaýlyq saqtaý júiesinde «Adaldyq alańy» jobalyq ofisi qurylǵanyn eske saldy.
Jobalyq ofisiniń mindetterine turmystyq sybailas jemqorlyqty joiý jáne meditsinalyq uiymdarda qolaily jaǵdai jasaý, halyqty jáne meditsinalyq uiymdardy dári-dármekpen qamtamasyz etý boiynsha sybailas jemqorlyq táýekelderiniń monitoringi, ashyqtyq, transparenttilik jáne eseptilik qaǵidattarynda azamattyq qoǵammen yntymaqtastyqty qamtamasyz etý jatady.
«Budan basqa qazirgi ýaqytta jobalyq ofis óńirlik densaýlyq saqtaý basqarmalarymen belsendi jumys júrgizýde. Ministrlikke barlyq bailanys arnalary arqyly kelip túsken jeke tulǵalardyń 857 myń ótinishi qaraldy», - dedi Tsoi.
