Almaty oblysyndaǵy blokposta bolǵan jaǵdaiǵa bailanysty IIM Erlan Turǵymbaevtyń buiryǵymen 9 adamǵa tártiptik jazaǵa tartyldy, dep habarlaidy "Ult aqparat".
Qalalyq PD patrýldik politsiia polkiniń komandiri Sataev.E, PD Kadr saiasaty basqarmasynyń basshysy Myrzabekov O.S., jeke quram boiynsha inspektsiiasynyń basshysy Akylbekov A.O jumystan shyǵaryldy.
Jergilikti politsiia qyzmetiniń basshysy Sattarov M.A, PD ózindik qaýipsizdik basqarmasynyń bastyǵy Kókrekbaev S.O.,PD basshysynyń orynbasary Nasharbekov A.A laýazymyna sai emestigi eskertildi.
DP basshysynyń birinshi orynbasary Almasbekov N.S., baspasóz qyzmetiniń jetekshisi Ázirbek S.K. qatań sógis jariialandy.
Politsiia departamentiniń basshysy, general-maior Qanat Taimerdenov ózi basqaratyn bólimsheniń qyzmetin úilestire almaǵany úshin qatań sógis aldy.
Eske salsaq, 25 mamyrda eki politsiia qyzmetkeri qaza tapqan Almaty oblysyndaǵy blokpostaǵy qaiǵyly oqiǵa bailanysty 3 laýazymdy qyzmetkerdiń jumystan ketkeni týraly habarlaǵan bolatynbyz.
Qaiǵyly oqiǵa 25 mamyr kúni tańǵa jýy № 4 blokposta bolǵan. BMW júrgizýshisi mas kúiinde beton qorshaýǵa soǵylyp baryp, inertsiiamen patrýldik politsiia kóligin soqqan. Sonyń kesirinen eki politsiia qyzmetkeri kóz jumdy.
Úshinshi politsiia qyzmetkeri jansaqtaý bóliminde jatyr. Apatqa kináli júrgizýshi buryn politsiiada jumys istegen.
