الماتى وبلىسىنداعى بلوكپوستا بولعان جاعدايعا بايلانىستى ٸٸم ەرلان تۇرعىمباەۆتىڭ بۇيرىعىمەن 9 ادامعا تەرتٸپتٸك جازاعا تارتىلدى, دەپ حابارلايدى "ۇلت اقپارات".
قالالىق پد پاترۋلدٸك پوليتسييا پولكٸنٸڭ كومانديرٸ ساتاەۆ.ە, پد كادر ساياساتى باسقارماسىنىڭ باسشىسى مىرزابەكوۆ و.س., جەكە قۇرام بويىنشا ينسپەكتسيياسىنىڭ باسشىسى اكىلبەكوۆ ا.و جۇمىستان شىعارىلدى.
جەرگٸلٸكتٸ پوليتسييا قىزمەتٸنٸڭ باسشىسى ساتتاروۆ م.ا, پد ٶزٸندٸك قاۋٸپسٸزدٸك باسقارماسىنىڭ باستىعى كٶكرەكباەۆ س.و.,پد باسشىسىنىڭ ورىنباسارى ناشاربەكوۆ ا.ا لاۋازىمىنا ساي ەمەستٸگٸ ەسكەرتٸلدٸ.
دپ باسشىسىنىڭ بٸرٸنشٸ ورىنباسارى الماسبەكوۆ ن.س., باسپاسٶز قىزمەتٸنٸڭ جەتەكشٸسٸ ەزٸربەك س.ك. قاتاڭ سٶگٸس جارييالاندى.
پوليتسييا دەپارتامەنتٸنٸڭ باسشىسى, گەنەرال-مايور قانات تايمەردەنوۆ ٶزٸ باسقاراتىن بٶلٸمشەنٸڭ قىزمەتٸن ٷيلەستٸرە الماعانى ٷشٸن قاتاڭ سٶگٸس الدى.
ەسكە سالساق, 25 مامىردا ەكٸ پوليتسييا قىزمەتكەرٸ قازا تاپقان الماتى وبلىسىنداعى بلوكپوستاعى قايعىلى وقيعا بايلانىستى 3 لاۋازىمدى قىزمەتكەردٸڭ جۇمىستان كەتكەنٸ تۋرالى حابارلاعان بولاتىنبىز.
قايعىلى وقيعا 25 مامىر كٷنٸ تاڭعا جۋى № 4 بلوكپوستا بولعان. BMW جٷرگٸزۋشٸسٸ ماس كٷيٸندە بەتون قورشاۋعا سوعىلىپ بارىپ, ينەرتسييامەن پاترۋلدٸك پوليتسييا كٶلٸگٸن سوققان. سونىڭ كەسٸرٸنەن ەكٸ پوليتسييا قىزمەتكەرٸ كٶز جۇمدى.
ٷشٸنشٸ پوليتسييا قىزمەتكەرٸ جانساقتاۋ بٶلٸمٸندە جاتىر. اپاتقا كٸنەلٸ جٷرگٸزۋشٸ بۇرىن پوليتسييادا جۇمىس ٸستەگەن.
