Oqý-aǵartý ministri Ashat Aimaǵambetov balabaqshada tegin tamaq kimderge beriletinin túsindirdi, - dep habarlaidy Tengrinews.kz agenttigi.
"Qazirgi ýaqytta bizde balabaqsha kezegine turmaǵan birneshe júz myń bala bar. Olar nege kezekke turmaidy? Kezekke turmaǵannan keiin, balabaqshaǵa barmaidy degen sóz. Bizde balabaqshalar negizi aqysyz. Biraq tamaqqa ata-analar ózderi tóleidi. Onyń somasy ártúrli. Bizdiń qiyn jaǵdaidaǵy, az qamtylǵan otbasylar osy qarajatty taba almaitynyn, balabaqshada balalalary tamaqtanatyn aqsha joq ekenin aityp, kezekke de qoimai otyr. Soǵan bailanysty ol balalardyń mektepke daiyndyq, densaýlyq, jaqsy tamaqtaný máselelerine úlken keri áserin tigizip otyr", - dedi ministr.
Ministr bul bastama Memleket basshysynyń sailaýaldy baǵdarlamasy aiasynda qolǵa alynatynyn eske saldy.
"Sáikesinshe, osyndai otbasylar anyqtalyp, sol balalarǵa memlekettik biýdjetten arnaiy qarajat berilip, tamaqtaný máselesi de olarǵa tegin bolady. Sonda bizde birneshe júz myń bala balabaqshalarǵa baryp, jaqsy tamaqtanyp, densaýlyǵyna da, oqý úlgerimine de óte tiimdi bolady", - dedi Ashat Aimaǵambetov.
