وقۋ-اعارتۋ مينيسترٸ اسحات ايماعامبەتوۆ بالاباقشادا تەگٸن تاماق كٸمدەرگە بەرٸلەتٸنٸن تٷسٸندٸردٸ, - دەپ حابارلايدى Tengrinews.kz اگەنتتٸگٸ.
"قازٸرگٸ ۋاقىتتا بٸزدە بالاباقشا كەزەگٸنە تۇرماعان بٸرنەشە جٷز مىڭ بالا بار. ولار نەگە كەزەككە تۇرمايدى? كەزەككە تۇرماعاننان كەيٸن, بالاباقشاعا بارمايدى دەگەن سٶز. بٸزدە بالاباقشالار نەگٸزٸ اقىسىز. بٸراق تاماققا اتا-انالار ٶزدەرٸ تٶلەيدٸ. ونىڭ سوماسى ەرتٷرلٸ. بٸزدٸڭ قيىن جاعدايداعى, از قامتىلعان وتباسىلار وسى قاراجاتتى تابا المايتىنىن, بالاباقشادا بالالالارى تاماقتاناتىن اقشا جوق ەكەنٸن ايتىپ, كەزەككە دە قويماي وتىر. سوعان بايلانىستى ول بالالاردىڭ مەكتەپكە دايىندىق, دەنساۋلىق, جاقسى تاماقتانۋ مەسەلەلەرٸنە ٷلكەن كەرٸ ەسەرٸن تيگٸزٸپ وتىر", - دەدٸ مينيستر.
مينيستر بۇل باستاما مەملەكەت باسشىسىنىڭ سايلاۋالدى باعدارلاماسى اياسىندا قولعا الىناتىنىن ەسكە سالدى.
"سەيكەسٸنشە, وسىنداي وتباسىلار انىقتالىپ, سول بالالارعا مەملەكەتتٸك بيۋدجەتتەن ارنايى قاراجات بەرٸلٸپ, تاماقتانۋ مەسەلەسٸ دە ولارعا تەگٸن بولادى. سوندا بٸزدە بٸرنەشە جٷز مىڭ بالا بالاباقشالارعا بارىپ, جاقسى تاماقتانىپ, دەنساۋلىعىنا دا, وقۋ ٷلگەرٸمٸنە دە ٶتە تيٸمدٸ بولادى", - دەدٸ اسحات ايماعامبەتوۆ.
