Sýret ashyq derekkózden alyndy
Densaýlyq saqtaý ministri Ajar Ǵiniiat burynǵy vitse-ministr Oljas Ábishevtiń ústinen aryz jazdy. Bul týraly burynǵy ministr Eljan Birtanov pen onyń orynbasary Ábishevke qatysty apelliatsiialyq otyrysta málim boldy, dep habarlaidy Sputnik Qazaqstan.
Oljas Ábishev politsiiaǵa jaýap alýǵa shaqyrylǵandyqtan, sottan otyrysty 25 qańtarǵa aýystyrýdy surady.
"Maǵan politsiiadan qońyraý shalyp, qazirgi densaýlyq saqtaý ministri Ajar Ǵiniiat osy sotta aitylǵan materialdarǵa qatysty aryz bergenin aitty. Bul meni tańǵaldyrdy, óitkeni bul materialdardyń barlyǵy ashyq kózderden alynǵan, bul - insaiderlik aqparat emes. Nelikten maǵan politsiiaǵa aryz bergenin túsine almai júrmin. Advokat Fatima Bersanova keshe osy málimdememen tanysý úshin politsiiaǵa bardy, biraq bul málimdemeden biz beihabarmyz, egjei-tegjeiin bilmeimiz. Men mundai áreketti qysym kórsetý dep qabyldaimyn, óitkeni osy sotta biz Densaýlyq saqtaý ministrliginiń qazirgi basshylyǵynyń barlyq jaǵymsyz áreketin kópshilik aldynda kórsetemiz", – dedi Ábishev.
DSM ókili Maqulbekova aryz Densaýlyq saqtaý ministri Ǵiniiat qol qoidy delingen Birtanov pen Ábishevti qoldaý týraly petitsiiaǵa qatysty ekenin túsindirdi. Onyń aitýynsha, Ábishev sotta osy petitsiianyń skrinshotyn kórsetkendik, al Ǵiniiat óziniń elektrondy qoltańbasyn qoimaǵan. Sondyqtan ministr jaǵdaidy anyqtaý úshin politsiiaǵa júgingen.
Sot alqasy ótinishti qanaǵattandyrmai, isti qaraýdy jalǵastyrdy, óitkeni sotqa Ábishevtiń politsiiaǵa shaqyrylǵany týraly resmi ótinish túspegen.
Aita keteri, 2022 jyldyń 6 jeltoqsanynda meditsina qyzmetkerleri Prezident Qasym-Jomart Toqaevqa Eljan Birtanov pen Oljas Ábishevke qatysty qylmystyq isti nazarǵa alýdy ótingen bolatyn. Petitsiia otinish.kz saitynda jariialanǵan.
Esterińizge sala keteiik, 2022 jylǵy 28 qazanda birinshi satydaǵy sot Eljan Birtanov pen Oljas Ábishevti densaýlyq saqtaý júiesin tsifrlandyrý protsesinde laýazymdyq ókilettikterin teris paidalanǵany úshin kináli dep tanydy. Birtanovqa 5 jyl bas bostandyǵyn shekteý jazasy berildi, Ábishev tórt jylǵa bas bostandyǵyn shekteldi.
Qorǵaýshy tarap sot úkimimen kelispedi. Burynǵy sheneýnikterdiń apelliatsiiasyn sýdia Aibek Ámirǵalievtiń tóraǵalyǵymen Saryarqa aýdandyq № 2 sotynyń sot alqasy qaraidy.
