سۋرەت اشىق دەرەككٶزدەن الىندى
دەنساۋلىق ساقتاۋ مينيسترٸ اجار عينييات بۇرىنعى ۆيتسە-مينيستر ولجاس ەبٸشەۆتٸڭ ٷستٸنەن ارىز جازدى. بۇل تۋرالى بۇرىنعى مينيستر ەلجان بٸرتانوۆ پەن ونىڭ ورىنباسارى ەبٸشەۆكە قاتىستى اپەللياتسييالىق وتىرىستا مەلٸم بولدى, دەپ حابارلايدى Sputnik قازاقستان.
ولجاس ەبٸشەۆ پوليتسيياعا جاۋاپ الۋعا شاقىرىلعاندىقتان, سوتتان وتىرىستى 25 قاڭتارعا اۋىستىرۋدى سۇرادى.
"ماعان پوليتسييادان قوڭىراۋ شالىپ, قازٸرگٸ دەنساۋلىق ساقتاۋ مينيسترٸ اجار عينييات وسى سوتتا ايتىلعان ماتەريالدارعا قاتىستى ارىز بەرگەنٸن ايتتى. بۇل مەنٸ تاڭعالدىردى, ٶيتكەنٸ بۇل ماتەريالداردىڭ بارلىعى اشىق كٶزدەردەن الىنعان, بۇل - ينسايدەرلٸك اقپارات ەمەس. نەلٸكتەن ماعان پوليتسيياعا ارىز بەرگەنٸن تٷسٸنە الماي جٷرمٸن. ادۆوكات فاتيما بەرسانوۆا كەشە وسى مەلٸمدەمەمەن تانىسۋ ٷشٸن پوليتسيياعا باردى, بٸراق بۇل مەلٸمدەمەدەن بٸز بەيحابارمىز, ەگجەي-تەگجەيٸن بٸلمەيمٸز. مەن مۇنداي ەرەكەتتٸ قىسىم كٶرسەتۋ دەپ قابىلدايمىن, ٶيتكەنٸ وسى سوتتا بٸز دەنساۋلىق ساقتاۋ مينيسترلٸگٸنٸڭ قازٸرگٸ باسشىلىعىنىڭ بارلىق جاعىمسىز ەرەكەتٸن كٶپشٸلٸك الدىندا كٶرسەتەمٸز", – دەدٸ ەبٸشەۆ.
دسم ٶكٸلٸ ماقۇلبەكوۆا ارىز دەنساۋلىق ساقتاۋ مينيسترٸ عينييات قول قويدى دەلٸنگەن بٸرتانوۆ پەن ەبٸشەۆتٸ قولداۋ تۋرالى پەتيتسيياعا قاتىستى ەكەنٸن تٷسٸندٸردٸ. ونىڭ ايتۋىنشا, ەبٸشەۆ سوتتا وسى پەتيتسييانىڭ سكرينشوتىن كٶرسەتكەندٸك, ال عينييات ٶزٸنٸڭ ەلەكتروندى قولتاڭباسىن قويماعان. سوندىقتان مينيستر جاعدايدى انىقتاۋ ٷشٸن پوليتسيياعا جٷگٸنگەن.
سوت القاسى ٶتٸنٸشتٸ قاناعاتتاندىرماي, ٸستٸ قاراۋدى جالعاستىردى, ٶيتكەنٸ سوتقا ەبٸشەۆتٸڭ پوليتسيياعا شاقىرىلعانى تۋرالى رەسمي ٶتٸنٸش تٷسپەگەن.
ايتا كەتەرٸ, 2022 جىلدىڭ 6 جەلتوقسانىندا مەديتسينا قىزمەتكەرلەرٸ پرەزيدەنت قاسىم-جومارت توقاەۆقا ەلجان بٸرتانوۆ پەن ولجاس ەبٸشەۆكە قاتىستى قىلمىستىق ٸستٸ نازارعا الۋدى ٶتٸنگەن بولاتىن. پەتيتسييا otinish.kz سايتىندا جارييالانعان.
ەستەرٸڭٸزگە سالا كەتەيٸك, 2022 جىلعى 28 قازاندا بٸرٸنشٸ ساتىداعى سوت ەلجان بٸرتانوۆ پەن ولجاس ەبٸشەۆتٸ دەنساۋلىق ساقتاۋ جٷيەسٸن تسيفرلاندىرۋ پروتسەسٸندە لاۋازىمدىق ٶكٸلەتتٸكتەرٸن تەرٸس پايدالانعانى ٷشٸن كٸنەلٸ دەپ تانىدى. بٸرتانوۆقا 5 جىل باس بوستاندىعىن شەكتەۋ جازاسى بەرٸلدٸ, ەبٸشەۆ تٶرت جىلعا باس بوستاندىعىن شەكتەلدٸ.
قورعاۋشى تاراپ سوت ٷكٸمٸمەن كەلٸسپەدٸ. بۇرىنعى شەنەۋنٸكتەردٸڭ اپەللياتسيياسىن سۋديا ايبەك ەمٸرعاليەۆتٸڭ تٶراعالىعىمەن سارىارقا اۋداندىق № 2 سوتىنىڭ سوت القاسى قارايدى.
