Foto: primeminister.kz
Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin "Azamattarǵa arnalǵan úkimet" memlekettik korporatsiiasy basshylyǵyna qatysty "is qozǵaldy" degen aqparatqa túsinikteme berdi, dep habarlaidy Sputnik Qazaqstan.
Buǵan deiin BAQ-ta Qarjy monitoringi agenttigi "Azamattarǵa arnalǵan úkimet" memlekettik korporatsiiasy" KEAQ basshylyǵyna qatysty qylmystyq is qozǵaǵany týraly habarlanǵan edi. Taraǵan aqparatqa sáikes, agenttik qyzmetkerleri "Azamattarǵa arnalǵan úkimet" basshylyǵynyń kabinetterinde tintý júrgizgen.
"Súienish Ábdildin ("Azamattarǵa arnalǵan úkimet" memlekettik korportsiiasy" KEAQ basqarma tóraǵasy) jumysta. Keshe jinalysqa qatysty. Agenttiktiń qyzmetkerleri kelip, tiisti suraqtar qoiǵan. Bul istiń mán-jaiyn sol vedomstvodan surai alasyzdar. Bul másele bizdiń ministrliktiń quzyretinde emes", - dep jaýap berdi Baǵdat Mýsin Úkimet kýlýarynda.
Ministr Ábdildindi kezinde ózi taǵaiyndaǵanyn aitty.
"Men ony jaqsy jaǵynan sipattai alamyn. Isker, úsh tildi jetik meńgergen, uiymdastyrý qabileti bar, biliktiligi joǵary azamat", - dedi Tsifrlyq damý ministri.
