QR Mádeniet jáne sport ministri Aqtoty Raiymqulova aýyr atletikadan ulttyq qurama bapkerleriniń arasyndaǵy janjal týraly pikir bildirdi, dep habarlaidy QazAqparat.

Ortalyq kommýnikatsiialar qyzmetinde ótken brifingide BAQ ókilderi Mádeniet jáne sport ministrine ózi baryp taǵaiyndap ketken aýyr atletika bas bapkeriniń nege qazir jumys istemei jatqanyn surady. 

«Taldyqorǵanda ótken respýblikalyq chempionattan keiin búkil oblystyń bas bapkerlerimen otyrys boldy. Solarmen aqyldasa otyryp, Dáýren Bekmahambetov degen azamatty bas bapker bolýǵa laiyqty dep eseptedik. Jalpy, zań boiynsha jáne reglamentke sáikes bizdiń bul usynymyzdy Federatsiia óz atynan Ulttyq Olimpiadalyq komitetpen birge Ministrliktiń Sport komitetinde usynys retinde berýi kerek», - degen ministr jýrnalisterdi bul másele jyl aiaǵyna deiin sheshimin tabatynyna sendirdi. 

«Sonymen qatar, osy suraq biz jyl aiaǵynda Aýyr atletika federatsiiasynda ótetin konferentsiiada da qarastyrylady dep otyrmyz. Bul másele jyl sońyna deiin sheshiledi dep oilaimyn. Jalpy bári zań boiynsha, ret-retimen kele jatyr», - dedi vedomstvo basshysy.