Búgin Jer reformasy jónindegi komissiianyń birinshi otyrysynda Aýyl sharýashylyǵy ministri Saparhan Omarov paidalanylmaityn aýyl sharýashylyǵy jerlerin qaitarý jumystary jaiynda baiandady, dep habarlaidy QazAqparat.
«2016 - 2020 jyldar aralyǵynda júrgizilgen jumystardyń nátijesinde óspeli qorytyndymen 15,4 mln gektar paidalanylmaityn aýyl sharýashylyǵy jerleri anyqtaldy, onyń 5,4 mln gektary aýyl sharýashylyǵy ainalymyna qaita tartylyp, 5,6 mln gektary memlekettik menshikke qaitaryldy. Al 4,4 mln gektardy sot organdary arqyly alyp qoiý jumystary júrgizilýde», - dedi ministr.
Onyń aitýynsha, 2019 jyly zańnamalyq ózgerister engizilgennen keiin, 2020 jyldyń qańtarynan bastap Aqmola, Shyǵys Qazaqstan, Qostanai jáne Mańǵystaý oblystarynda aýyl sharýashylyǵy jerlerin ǵaryshtyq monitoringileý jónindegi pilottyq joba iske qosyldy. 2020 jylǵy jeltoqsandaǵy jai-kúi boiynsha atalǵan óńirlerdegi pilottyq joba aiaqtaldy.
«Ǵaryshtyq monitoring nátijeleri boiynsha pilottyq óńirlerde 8,3 mln ga anyqtaldy, bul negizinen 7,6 mln ga jaiylym, 0,7 mln ga egistik jerler. Onyń ishinde 2,2 mln gektary aýyl sharýashylyǵy ainalymyna qaita tartylyp, 2,6 mln gektary memlekettik menshikke qaitaryldy, 3,5 mln gektar boiynsha jergilikti atqarýshy organdar jumys isteýde.
2021 jylǵy 1 qańtardan bastap ǵaryshtyq monitoring respýblikanyń búkil aýmaǵynda qoldanylýda», - dedi Omarov.
