بٷگٸن جەر رەفورماسى جٶنٸندەگٸ كوميسسييانىڭ بٸرٸنشٸ وتىرىسىندا اۋىل شارۋاشىلىعى مينيسترٸ ساپارحان وماروۆ پايدالانىلمايتىن اۋىل شارۋاشىلىعى جەرلەرٸن قايتارۋ جۇمىستارى جايىندا باياندادى, دەپ حابارلايدى قازاقپارات.
«2016 - 2020 جىلدار ارالىعىندا جٷرگٸزٸلگەن جۇمىستاردىڭ نەتيجەسٸندە ٶسپەلٸ قورىتىندىمەن 15,4 ملن گەكتار پايدالانىلمايتىن اۋىل شارۋاشىلىعى جەرلەرٸ انىقتالدى, ونىڭ 5,4 ملن گەكتارى اۋىل شارۋاشىلىعى اينالىمىنا قايتا تارتىلىپ, 5,6 ملن گەكتارى مەملەكەتتٸك مەنشٸككە قايتارىلدى. ال 4,4 ملن گەكتاردى سوت ورگاندارى ارقىلى الىپ قويۋ جۇمىستارى جٷرگٸزٸلۋدە», - دەدٸ مينيستر.
ونىڭ ايتۋىنشا, 2019 جىلى زاڭنامالىق ٶزگەرٸستەر ەنگٸزٸلگەننەن كەيٸن, 2020 جىلدىڭ قاڭتارىنان باستاپ اقمولا, شىعىس قازاقستان, قوستاناي جەنە ماڭعىستاۋ وبلىستارىندا اۋىل شارۋاشىلىعى جەرلەرٸن عارىشتىق مونيتورينگٸلەۋ جٶنٸندەگٸ پيلوتتىق جوبا ٸسكە قوسىلدى. 2020 جىلعى جەلتوقسانداعى جاي-كٷي بويىنشا اتالعان ٶڭٸرلەردەگٸ پيلوتتىق جوبا اياقتالدى.
«عارىشتىق مونيتورينگ نەتيجەلەرٸ بويىنشا پيلوتتىق ٶڭٸرلەردە 8,3 ملن گا انىقتالدى, بۇل نەگٸزٸنەن 7,6 ملن گا جايىلىم, 0,7 ملن گا ەگٸستٸك جەرلەر. ونىڭ ٸشٸندە 2,2 ملن گەكتارى اۋىل شارۋاشىلىعى اينالىمىنا قايتا تارتىلىپ, 2,6 ملن گەكتارى مەملەكەتتٸك مەنشٸككە قايتارىلدى, 3,5 ملن گەكتار بويىنشا جەرگٸلٸكتٸ اتقارۋشى ورگاندار جۇمىس ٸستەۋدە.
2021 جىلعى 1 قاڭتاردان باستاپ عارىشتىق مونيتورينگ رەسپۋبليكانىڭ بٷكٸل اۋماعىندا قولدانىلۋدا», - دەدٸ وماروۆ.
