Tótenshe jaǵdailar ministri Iýrii Ilin Qaraǵandy oblysyna jumys sapary kezinde «Arselor Mittal Temirtaý» AQ qaýipsizdiktiń qamtamasyz etilýin erekshe baqylaýyna aldy, dep habarlaidy "Ult aqparat" TJM baspasóz qyzmetine silteme jasap.
"Iýrii Ilin Arselor Mittal Temirtaý basshylyǵyn Ónerkásiptik qaýipsizdik departamentine shaqyryp, óndiristegi qaýipsizdik, jumysshylardyń eńbek jaǵdailaryn jaqsartý jáne olarǵa áleýmettik qoldaý kórsetý máselelerin talqylady. Óz kezeginde Arselor Mittal Temirtaý basshylyǵy óndiristiń barlyq kezeńderinde qaýipsizdikti jetildirý boiynsha qabyldanyp jatqan sharalar týraly baiandady" - delingen ministrlik habarlamasynda.
Iýrii Ilin Ónekásiptik qaýipsizdik departamentine biznes qaýymdastyqqa avariialar men oqys oqiǵalardyń sanyn azaitý úshin qajetti ádistemelik kómek kórsetýdi tapsyrdy. Qaýipsizdik sharalary saqtalmaǵan jaǵdaida, zań aiasynda qatań sharalar qabyldanatynyn, tipti óndiristiń jumysy toqtatylatyn eskertti. Sebebi 2022 jyldyń basynan beri óndiriste 13 avariia men 103 oqiǵa tirkelgen.
Sonymen qatar, sapar barysynda Iýrii Ilin «KÁAQQ» JShS Respýblikalyq ortalyq shtabynda boldy, onda Respýblikalyq ortalyq shtabynyń jáne «AMT» AQ kómir departamentiniń basshylyǵymen birge taý-ken qutqarýshylaryn áleýmettik qoldaý jáne avariialyq-qutqarý qyzmetterinińi zamanaýi quraldarmen, qural-jabdyqtarmen jáne tehnikamen jaraqtandyrý jumystarymen tanysty.
Sapar aiasynda Iýrii Ilin oblys turǵyndarymen de kezdesti.
«Tótenshe jaǵdailar ministrligi qyzmetiniń mańyzdy quramdas bóligi – bizdiń ministrlik pen qoǵamnyń ózara tiimdi árekettesýine múmkindik beretin halyqpen keri bailanys. Azamattar jazǵan ótinishterdi qarap, qajet sharalardy qabyldaimyz», - dedi Iýrii Ilin.
Kezdesý barysynda Qaraǵandy oblysynyń turǵyndary azamattyq qorǵaý organdarynyń qyzmetine qatysty ózderin tolǵandyryp júrgen suraqtardy qoiyp, olarǵa jaýap aldy. Beinekonferentsbailanys arqyly oblystyń qalalary men aýdandarynyń turǵyndary da qatysty.
Turǵyndar negizinen dala órtteri men sý tasqynyna bailanysty tótenshe jaǵdailardyń aldyn alý, Qaraǵandy oblysyndaǵy tegin jaǵajailar salý máselelerin kóterdi.
