Videodan alynǵan kadr/ instagram.com/ajupventure
QR Indýstriia jáne infraqurylymdyq damý ministri Marat Qarabaev Almaty qalasynyń mańynda qańtarylyp turǵan 300 avtobýsqa qatysty pikir bildirdi, dep habarlaidy QazAqparat agenttigi.
Onyń atap ótýinshe, buǵan deiin Almaty ákimdigi qalada qoldanysta bolǵan kólik quraldarynyń nelikten Almaty oblysynda tap bolǵanyn túsindirgen.
«Bul avtobýstardyń Almaty oblysy ákimdigine berilgenine qatysty uiǵarym bar. Olar - jańa emes. Olar tozǵan, Almaty ákimdigi paidalanǵan. Qala ákimdigi olardy Almaty oblysy ákimdiginiń balansyna berý týraly sheshim qabyldaǵan», - dedi ministr Úkimet otyrysynan keiin BAQ ókilderiniń saýalyna orai.
