Aldaǵy dúisenbide Densaýlyq saqtaý ministrliginiń basshylyǵy ózderine tumaýǵa qarsy ekpe saldyrady. Bul týraly atalǵan vedomstvonyń resmi ókili Baǵdat Qojahmetov málim etti, dep habarlaidy "Ult aqparat".
«Elimizde tumaýǵa qarsy ekpe 15 qyrkúiekte bastalady. Densaýlyq saqtaý ministr Aleksei Tsoi ózi bastaǵan bir top ministrlik basshylary Nur-Sultan qalasyndaǵy emhananyń birine baryp, ekpe alady», - dedi B. Qojahmetov Ortalyq kommýnikatsiialar qyzmeti.
Sonymen qatar resmi ókil ózi de atalǵan ekpeni saldyratynyn aitty.
Budan buryn habarlanǵandai, elimizde tumaýǵa qarsy ekpe merzimnen eki apta buryn bastalady.
«Iaǵni, ádettegi merzimnen eki apta erterek. Bul epidemiologiialyq maýsymda týyndaityn tumaý sekildi aýrýlarǵa qarsy myqty immýnitet qalyptastyrýǵa septigin tigizedi. Esterińizge salaiyn, tumaýǵa qarsy ekpeniń kúshi 6 aidan 12 aiǵa deiin saqtalady. Maýsymdyq tumaýǵa qarsy halyqqa ekpe jasaý úshin 5 myńnan astam egý kabineti daiyndaldy. Qosymsha ekpe salatyn mamandar oqytylýda. 1 myńnan astam seminar ótkizildi. Nátijesinde 7 myńnan astam dáriger men 15 myńǵa jýyq kishi jáne orta býyn qyzmetker daiarlyqtan ótti», - dedi Baǵdat Qojahmetov.
