Memleket basshysy Qasym-Jomart Toqaev Ishki ister ministri Marat Ahmetjanovty qabyldady, - dep habarlaidy "Ult aqparat" Aqorda saityna silteme jasap.
Prezidentke biylǵy 10 aidaǵy kriminogendik jaǵdai týraly esep berildi. Ministrdiń málimeti boiynsha, kisi óltirý, zorlyq-zombylyq, tonaý, urlyq, mal urlyǵy, sondai-aq buryn sottalǵandar tarapynan, mas kúiinde jáne otbasylyq-turmystyq salada jasalǵan qylmystar azaiǵan.
Memleket basshysyna quqyq buzýshylyqtyń aldyn alý jumystary, atap aitqanda, otbasylyq-turmystyq salada zorlyq-zombylyq jasaǵany úshin jaýapkershilikti kúsheitý jónindegi keshendi sharalar ázirleý týraly málimet berildi.
Sonymen qatar uiymdasqan qylmystyń sebepteri men qarjylandyrý kózderin joiýǵa basa mán bere otyryp, olarǵa qarsy kúres tásilderiniń ózgergeni jóninde baiandaldy.
Ministrdiń aitýynsha, bopsalaýmen, adam saýdasymen, qarý-jaraqty, esirtkini zańsyz satýmen jáne basqa da qylmystarmen ainalysqan 33 uiymdasqan qylmystyq toptyń joly kesildi.
Politseiler zańsyz ainalymdaǵy 12 tonnaǵa jýyq esirtkini, sonyń ishinde onyń 212 kel3 sintetikalyq túrlerin tárkiledi. 36 esirtki zerthanasy men 43 esirtki kanaly joiyldy, esirtkilerdi jarnamalaityn 1900 sait buǵattaldy. Ministrlik nashaqorlyqqa jáne esirtki biznesine qarsy úsh jylǵa arnalǵan Keshendi jospar ázirlep jatyr.
Sonymen qatar Prezidentke "Adam saýdasyna qarsy is-qimyl týraly" jeke zań ázirlenip jatqany týraly baiandaldy.
Kezdesý sońynda Memleket basshysy elimizde azamattardyń qaýipsizdigin jáne quqyqtyq tártipti qamtamasyz etýge baǵyttalǵan birqatar naqty tapsyrma berdi.
