Foto: elements.envato.com
Mádeniet jáne sport ministri Dáýren Abaev Art Sport balalar sport sektsiialary baǵdarlamasyna qatysty jaǵdaidy aitty, - dep habarlaidy Tengrinews.kz.
"Qazirgi ýaqytta osy baǵdarlamany qarjylandyrý máselesi ózekti (Art Sport. - avtor.). Ókinishke qarai, jumysty tolyq qamtamasyz etýge qarajat joq ekenin moiyndaýymyz kerek. Rastalǵan vaýcherler úshin qarajat izdestiriletinin málimdeimiz. Qazirgi ýaqytta 495 myń bala 15 myńnan astam úiirme men sektsiiaǵa barady. Oǵan 32 milliard teńgeden astam qarjy bólindi. Sonymen qatar, jyl sońyna deiin qajet qosymsha somy - 97 milliard teńge", - dedi ministr OKQ brifinginde.
Dáýren Abaev baǵdarlama jumysyn jalǵastyratynyn aitty.
"Baǵdarlama jabylady degen barlyq áńgimeniń eshqandai negizi joq. Qazirgi sátte maquldanǵan jáne rastalǵan barlyq vaýcher tólenetinin atap ótkim keledi. Óńirler buǵan qajetti qarajat bóledi. Mysaly, Almaty ákimdigi bul maqsatqa 4 milliard teńgeden astam qarjy jumsady", - dedi Dáýren Abaev.
