QR Indýstriia jáne infraqurylymdyq damý ministri Beibit Atamqulov 2021 jyldyń 1 maýsymynan bastap 5 800 shaqyrym jolda nelikten aqy alý júiesi ise qosylmaǵandyǵyn túsindirdi, dep habarlaidy QazAqparat.
«2021 jyldyń 1 maýsymynan bastap joldarda aqy alý júiesin engizý josparymyzda bolǵan. Aqyly joldardy iske qosý úshin búkil avtomatika júiesi daiyn bolýy tiis. Qazirgi tańda 5 800 shaqyrym jolda avtomatika júiesi ornatylyp, testileýden ótkizildi. Sodan mamyr aiynda aqyly bolatyn joldardyń sapasyna tekserý bastalǵan edi. Onyń bári áli aqtalmady. Biraz jerde qaitadan jóndeý jumystaryn júrgizý qajet. Jóndeý jumystary aiaqtalǵannan keiin árbir ýchaskeni tekserip, aktimen qabyldap alýymyz kerek. Sodan keiin ǵana aqy alý júiesi engiziledi» - dedi ministr Ortalyq kommýnikatsiialar qyzmetindegi baspasóz máslihaty barysynda.
Onyń atap ótýinshe, 1 maýsymnan bastap atalǵan joldarda aqy alý júiesiniń engiziletindigi týraly «QazAvtoJol» kompaniiasy jariialaǵan. Biraq, Indýstriia jáne infraqurylymdyq damý ministrligi arnaiy buiryqpen mundai sheshim qabyldamaǵan.
