قر يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ 2021 جىلدىڭ 1 ماۋسىمىنان باستاپ 5 800 شاقىرىم جولدا نەلٸكتەن اقى الۋ جٷيەسٸ ٸسە قوسىلماعاندىعىن تٷسٸندٸردٸ, دەپ حابارلايدى قازاقپارات.
«2021 جىلدىڭ 1 ماۋسىمىنان باستاپ جولداردا اقى الۋ جٷيەسٸن ەنگٸزۋ جوسپارىمىزدا بولعان. اقىلى جولداردى ٸسكە قوسۋ ٷشٸن بٷكٸل اۆتوماتيكا جٷيەسٸ دايىن بولۋى تيٸس. قازٸرگٸ تاڭدا 5 800 شاقىرىم جولدا اۆتوماتيكا جٷيەسٸ ورناتىلىپ, تەستٸلەۋدەن ٶتكٸزٸلدٸ. سودان مامىر ايىندا اقىلى بولاتىن جولداردىڭ ساپاسىنا تەكسەرۋ باستالعان ەدٸ. ونىڭ بەرٸ ەلٸ اقتالمادى. بٸراز جەردە قايتادان جٶندەۋ جۇمىستارىن جٷرگٸزۋ قاجەت. جٶندەۋ جۇمىستارى اياقتالعاننان كەيٸن ەربٸر ۋچاسكەنٸ تەكسەرٸپ, اكتٸمەن قابىلداپ الۋىمىز كەرەك. سودان كەيٸن عانا اقى الۋ جٷيەسٸ ەنگٸزٸلەدٸ» - دەدٸ مينيستر ورتالىق كوممۋنيكاتسييالار قىزمەتٸندەگٸ باسپاسٶز مەسليحاتى بارىسىندا.
ونىڭ اتاپ ٶتۋٸنشە, 1 ماۋسىمنان باستاپ اتالعان جولداردا اقى الۋ جٷيەسٸنٸڭ ەنگٸزٸلەتٸندٸگٸ تۋرالى «قازاۆتوجول» كومپانيياسى جارييالاعان. بٸراق, يندۋسترييا جەنە ينفراقۇرىلىمدىق دامۋ مينيسترلٸگٸ ارنايى بۇيرىقپەن مۇنداي شەشٸم قابىلداماعان.
