Foto: primeminister.kz
Oqý-aǵartý ministri Ǵani Beisembaev Almaty oblysynda 15 mln teńgege satylyp ketken mektepke qatysty túsinikteme berdi, dep habarlaidy Sputnik Qazaqstan.
Onyń aitýynsha, qazir másele baqylaýda.
"Istiń mán-jaiyn anyqtaimyz, buǵan deiin ketken dúnieler ǵoi. Osyǵan bailanysty bizde tirkelgen barlyq mektepti tekserýge tapsyrma berdik. Osy jaǵdaiǵa bailanysty barlyq mektepke reviziia júrgizý qajet dep sanaimyz. Bas prokýratýraǵa júginemiz", - dedi Beisembaev Úkimet kýlýarynda.
Eske salsaq, keshe Májilis depýtaty Maqsat Tolyqbai Almaty oblysynda tolyq kúrdeli jóndeýden ótken mektep ǵimaraty satylyp ketkenin málimdedi. Qarasai aýdany Shalqar aýylynda Lomonosov atyndaǵy 250 orynǵa arnalǵan orta mektep 15 mln teńgege satylǵan.
"Barlyq aýyl balasy qýanyp júrgende, aýyl mektebin jekege satyp jibergen. Ony ákimdikten basqa kim satady? 15 mln teńgege satqan. Prokýratýraǵa "Qaida qarap otyrsyńdar?" dep aittyq. Olar sot shaǵymyn qabyldamaitynyn, shamasy jetpeitinin aityp otyr", - dedi depýtat.
Májilismen bilim oshaǵyn eki ai ishinde qaitarýdy talap etti.
