Elimizdegi Mineraldyq shikizatty keshendi qaita óńdeý jónindegi ulttyq ortalyqtyń Almaty, Nur-Sultan, Qaraǵandy, Óskemen qalalaryndaǵy 7 filila yǵylymi kadrlardy daiarlaý jumysyn belsendi túrde júrgizip keledi, dep habarlaidy "Ult aqparat" QR Indýstriia jáne infraqurylymdyq damý ministrliginiń baspasóz qyzmetine silteme jasap.
Qazirgi ýaqytta akademik Ábdirásil Jármenov basshylyq etetin ortalyq ǵylymdy uiymdastyrýdy jetildirý jáne eldiń ǵylymi-tehnikalyq áleýetin damytý úshin qurylǵan. Ortalyq 20 jyldan astam ýaqyt boiy otandyq joǵary oqý oryndarymen tyǵyz yntymaqtastyq qarym-qatynas ornatqan. Birlesken oqytý jáne óndiristik tájiribeden ótkizý, keiinnen jumysqa ornalastyryp, ulttyq ortalyq baǵdarlamalary men jobalary aiasynda jeke zertteý jasaityn magistrler men PhD doktorlaryn daiarlaýdy qamtidy.
Ortalyq mamandary stýdentterdi oqytýdyń barlyq kezeńderinde (bakalavriat, magistratýra, doktorantýra) bilim berý úrdisine tikelei qatysady. Byltyr qaita ashylǵan kafedrada oqýdy tańdaǵan 6 magistrant ortalyqqa oqý protsesinen qol úzbei jumysqa ornalasty.
Ulttyq ortalyqtyń uiymdastyrýshylyq qurylymy, akkredittelgen jáne attestattalǵan taldaý jáne zertteý zerthanalary, jobalaý-konstrýktorlyq bólimderi jáne tájiribelik-ónerkásiptik poligondar men keshenderi bolǵandyqtan kásiporyn qyzmeti mineraldyq shikizatty qaita óńdeýge, olardy avtomattandyrý men tsifrlandyrýdy, óndirý men baiytýdan bastap metallýrgiialyq qaita óńdeýge deiingi tehnologiialyq protsesterdi keshendi túrde iske asyrady.
Qazirgi kezde himiia jáne himiialyq tehnologiia fakýltetimen yntymaqtastyq ornatyldy. Alaida, mamandar daiarlaýdyń pánaralyq formatyn eskere otyryp, kafedrada geografiia jáne tabiǵatty paidalaný, biologiia jáne biotehnologiia, fizika-tehnikalyq fakýltetterdiń stýdentteri oqi alady. Bul modýldik bilimge bailanysty, sonymen qatar fakýltetaralyq kýrstardy uiymdastyrýǵa bolady. Bul bolashaq kásibi qyzmetinde kóp salaly mindetterdi sheshýge daiyn, oi-órisi keń mamandardy daiyndaýǵa múmkindik beredi.
Aita ketetin jait, ulttyq ortalyqtyń elimizdiń birneshe qalasynda (Almaty, Nur-Sultan, Qaraǵandy, Óskemen) 7 filialy ornalasqan. Sondyqtan stýdentter úshin turǵylyqty jerlerin eskere otyryp nemese ózine qolaily qalany tańdap, jumysqa ornalasýǵa naqty múmkindik bar.
