Qazirge deiin mindetti jáne erikti vkktsinanyń ara jigin ajyrata almai júrgender kóp. Bul týraly QR Parlamenti Senatynyń jalpy otyrysynda senator Dana Nurjigitova aitty, dep habarlaidy QazAqparat.
«Birinshiden, Kodeks aýrýdyń aldyn alý emes onyń saldarymen kúreske kóbirek baǵyttalǵan tárizdi. Muny aitýyma sebep - azamattardy salaýatty ómir saltyn ustanýǵa yntalandyratyn baptardyń azdyǵy. Mysaly, ýaqytyly dárigerge qaralyp, densaýlyǵyn kútetin azamattarǵa Mindetti áleýmettik saqtandyrý júiesi aiasynda yntalandyrý bonýstaryn engizýge bolar edi», - dedi senator «Halyq densaýlyǵy jáne densaýlyq saqtaý júiesi týraly» kodeksin talqylaý barysynda.
Ekinshiden, Dana Nurjigitova jalpy kodeksti halyqqa túsindirý jumystary álsiz júrgizilgendikten qoǵamda ekiushty áńgimeler kóbeigenine basa nazar aýdartty.
«Mysaly, kodekste azamattardyń emdelýge jáne basqa da meditsinalyq aralasýlardy júrgizýge, habardar etilgen kelisim berýge nemese olardan bas tartý quqyǵy qarastyrylǵan dep jazylǵan. Al bul norma azamattarymyzdyń ekpeden bas tartý quqyǵyn qanshalyqty qamtamasyz ete alady? Qoǵamda qyzý pikirtalas týdyrǵan da kodekstiń dál osy tusy ǵoi. Qazirge deiin mindetti jáne erikti vkktsinanyń ara jigin ajyrata almai júrgender kóp. Al bul máseleni halyqqa jetkizetin meditsina salasynyń salmaqty sarapshylary men betke ustar meditsina mamandary, ǵalymdar, ásirese, qazaq tildi mamandar túsindirý jumystaryna belsendi aralasyp otyrǵan joq dep olaimyn. Osy enjarlyqtyń saldarynan kópshilik mindetti vaktsinany májbúrleý dep túsinip júr. Sondyqtan menińshe, biz búgin talqylap otyrǵan kodeks jobasynda eshqandai májbúrli túrde júrgiziletin vaktsinatsiianyń bolmaityndyǵy týraly túsindirý jumystaryna kóbirek kóńil bólý qajet dep esepteimin. Jalpy BAQ-ta meditsina qyzmetkeriniń ult dárigeri dárejesindegi mediatulǵasynyń joqtyǵy osyndaida bilindi. Qazaqstan meditsinasynyń kelbetin qalytastyrý, dáriger mártbesin kóterý osy saladaǵy tulǵatanýdan bastalýy kerek. Bizde halyqqa sóz aitatyn, halyq densaýlyǵyna ómirin arnaǵan, ǵylymnyń, bilimniń, aǵyrtýshylyqtyń jolynda júrgen dáriger joq degenge senbeimin», - dedi ol.
Senator úshinshiden, jaýapkershilik máselesine nazar aýdartty.
«Ata-ana ne balanyń zańdy ókili ekpeden bas tartýyna bolady. Ondai quqyǵy bar. Al erteńgi kúni sol adamdar ózderi aýrýǵa shaldyǵyp, ainalasyndaǵylarǵa juqtyryp ne bolmasa adam ólimine ákeletin jaǵdai týdyrsa, olardyń jaýapkershiligi qandai? Bul máseleni bolashaqta eskerý qajet», -dedi Dana Nurjigitova.
