Jańa ónerkásiptik saiasat aiasynda «Biznestiń qarama-qarsy mindettemeleri» degen uǵym engizilmekshi. Bul uǵym memleketten qoldaý taýyp, biraq ony tiimdi paidalanbaǵan kásiporyndardy alǵan qarajatyn qaitarýǵa mindetteidi, dep habarlaidy "Ult aqparat".
Bul týraly ortalyq kommýnikatsiialar qyzmetinde ótken baspasóz máslihatynda Indýstriia jáne infraqurylymdyq damý ministrligine qarasty ónerkásip saiasaty departamentiniń direktory Laýra Sadykova aitty.
«Memlekettik yntalandyrý sharalaryn iske asyrýda biznestiń qarama-qarsy mindettemelerin engizý, sonyń ishinde mindettemelerdiń sapasyz nemese ýaqtyly oryndalmaǵany úshin jaýapkershilik qarastyrylǵan. Iaǵni, qoldaý berilgen qarajatty qaitarý, ótemaqy tóleý, aiyppul arqalaý, ósimpuldar tóleý siiaqty jaýapkershilikter júkteledi. Sonymen qatar, básekege qabilettilikti arttyrý úshin kelisim jasaý arqyly yntalandyrýdyń aralas paketin alý múmkindigi kózdelip otyr. Bul bizneske uzaq merzimdi perspektivada óndiristik qyzmetti josparlaýǵa múmkindik beredi», - dedi vedomstvo ókili.
