جاڭا ٶنەركەسٸپتٸك ساياسات اياسىندا «بيزنەستٸڭ قاراما-قارسى مٸندەتتەمەلەرٸ» دەگەن ۇعىم ەنگٸزٸلمەكشٸ. بۇل ۇعىم مەملەكەتتەن قولداۋ تاۋىپ, بٸراق ونى تيٸمدٸ پايدالانباعان كەسٸپورىنداردى العان قاراجاتىن قايتارۋعا مٸندەتتەيدٸ, دەپ حابارلايدى "ۇلت اقپارات".
بۇل تۋرالى ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا يندۋسترييا جەنە ينفراقۇرىلىمدىق دامۋ مينيسترلٸگٸنە قاراستى ٶنەركەسٸپ ساياساتى دەپارتامەنتٸنٸڭ ديرەكتورى لاۋرا سادىكوۆا ايتتى.
«مەملەكەتتٸك ىنتالاندىرۋ شارالارىن ٸسكە اسىرۋدا بيزنەستٸڭ قاراما-قارسى مٸندەتتەمەلەرٸن ەنگٸزۋ, سونىڭ ٸشٸندە مٸندەتتەمەلەردٸڭ ساپاسىز نەمەسە ۋاقتىلى ورىندالماعانى ٷشٸن جاۋاپكەرشٸلٸك قاراستىرىلعان. ياعني, قولداۋ بەرٸلگەن قاراجاتتى قايتارۋ, ٶتەماقى تٶلەۋ, ايىپپۇل ارقالاۋ, ٶسٸمپۇلدار تٶلەۋ سيياقتى جاۋاپكەرشٸلٸكتەر جٷكتەلەدٸ. سونىمەن قاتار, بەسەكەگە قابٸلەتتٸلٸكتٸ ارتتىرۋ ٷشٸن كەلٸسٸم جاساۋ ارقىلى ىنتالاندىرۋدىڭ ارالاس پاكەتٸن الۋ مٷمكٸندٸگٸ كٶزدەلٸپ وتىر. بۇل بيزنەسكە ۇزاق مەرزٸمدٸ پەرسپەكتيۆادا ٶندٸرٸستٸك قىزمەتتٸ جوسپارلاۋعا مٷمكٸندٸك بەرەدٸ», - دەدٸ ۆەدومستۆو ٶكٸلٸ.
