Almatyda kerme tóbe ornatamyn dep turǵyndardan aqsha alyp, keiin bailanysqa shyqpai ketken er adamǵa qatysty sot úkimi shyqty. Is Áýezov aýdandyq sotynda qaraldy, dep habarlaidy ult.kz.
“Kozachkov_offside” Telegram arnasynyń jazýynsha, sot materialdaryna sáikes, 28 jastaǵy Iliias Ainabekov birneshe jyl boiy qurylys jumystaryna tapsyrys qabyldap, aldyn ala tólem alǵannan keiin klienttermen bailanysyn úzgen. Alǵashqy derek 2022 jyly tirkelgen. Sol kezde ol bir turǵynnan kerme tóbe ornatý úshin 1,7 million teńge alǵan.
Keiin dál osyndai birneshe jaǵdai qaitalanǵan. 2023 jyly eki adamnan 1,6 million jáne 990 myń teńge, 2024 jyly taǵy eki klientten 120 myń jáne 250 myń teńge alǵan. Al 2025 jyly jeti adamdy aldaǵan. Sońǵy, on úshinshi jábirlenýshi 2026 jyly politsiiaǵa aryzdanǵannan keiin kúdikti anyqtalyp, úiqamaqqa alynǵan.
Tergeý barysynda onyń jábirlenýshilerdiń birine qoqan-loqy kórsetip, densaýlyǵyna ziian keltiremin dep qorqytqany belgili boldy.
Sotta Ainabekov kinásin tolyq moiyndaǵanymen, keltirilgen shyǵyndy ótemegen jáne turaqty jumysy bolmaǵan. Soǵan qaramastan, sot ony qoǵamnan oqshaýlamaý týraly sheshim qabyldap, 4 jyl 6 aiǵa bas bostandyǵyn shekteý jazasyn taǵaiyndady.
Endi ol probatsiialyq baqylaýda bolyp, jábirlenýshilerge keltirilgen shyǵyndy óteýge mindetti.
