Elimizde milliondaǵan adam jeke kásipkerlikti «kerek bolyp qalar» dep jai ashyp qoiǵan. Bul týraly búgin Ortalyq kommýnikatsiialar qyzmetindegi brifingte QR Eńbek jáne halyqty áleýmettik qorǵaý ministri Birjan Nurymbetov aitty, dep habarlaidy "Ult aqparat".
«Myńdaǵan, milliondaǵan adam jeke kásipkerlikti «kerek bolyp qalar» dep jai ashyp qoiǵan. Olar jumys istep jatqan joq. Endi sol jeke kásipkerliktiń atynan ótinish bereiin dese, sońǵy 12 aida eshteńe tólenbegen, ótpeidi. Sodan biryńǵai jiyntyq tólem tólei salaiyn deidi. Ol da ótpeidi. Sebebi biryńǵai jiyntyq tólem qarapaiymdatylǵan salyq rejimi sanalady», - dedi ol.
Ministrdiń aitýynsha, jeke kásipkerligin tirkegen adamdarǵa 42 500 teńge mólsherinde áleýmettik tólem alýǵa quqyǵy bar ekendigi týraly habarlamalar jiberilgen.
«Basynda jeke kásipkerlerdiń barlyǵynan ótinish almai tólei salsaq dep oilaǵan edik. Biraq, anyqtaý úshin sms-habarlama jiberdik. Sodan anyqtalǵany, jeke kásipkerlikti jai ǵana ashyp qoiǵandar bar eken. Olardyń ekinshi jumysy bar. Keibireýleri áleýmettik jelide «myna kisiler jumysym bar ekendigin bilmeidi eken» dep keketip jazǵandary da bar. Solardyń barlyǵyn saralai kele, jeke kásipkerler ózderi ótinish bermese, tólemeimiz dep sheshtik. Jeke kásipkerligi bar azamattar, mindetti túrde ótinish beresizder», - dedi Birjan Nurymbetov.
