Depýtattyń aitýynsha, tamyzda BAQ-ta Sultanbekov pen Ardan Interpol tiziminde joq degen aqparat taraǵan.
"Bul málimdemeni eshkim joqqa shyǵarmaidy. Áleýmettik jelilerde olardyń otbasy músheleriniń Niý-Iorktegi alańsyz ómiri týraly jazbalar jii baiqalady. Bul qarajatty qaitarý da belgisiz merzimge keiinge qaldyryldy. Shamasy, bizdiń quqyq qorǵaý organdary qyzmetkerleri "mańdai termen tabylǵannyń" bári jumsalǵansha kútedi", - dedi ol.
Onyń aitýynsha, halyqaralyq izdeý Bas prokýratýranyń Ulttyq Interpol biýrosynyń Frantsiiadaǵy Lion qalasyndaǵy shtab-páterine resmi ótinishinen bastalady.
"Atalǵan is boiynsha sottalǵan adamdardyń advokattarynyń aitýynsha, qazaqstandyq prokýrorlar Interpolǵa ótinish bere almady, tipti bergisi de kelmedi.
Sondai-aq, shetelge zańsyz shyǵarylǵan qarajat tabylsa, "shyqqan jeri belgisiz bailyq" retinde shet memleketterdiń paidasyna tárkilenýi múmkin ekenin túsiný kerek. Sonymen qatar, bul - urlanǵan sheneýnikterdiń menshigi emes, qazaq halqyna tiesili qarajat", - dedi Maqsat Ramanqulov.
Depýtat bas prokýrordan kelesi suraqtarǵa jaýap berýdi surady:
- Qazaqstan Respýblikasy quqyq qorǵaý organdary Interpolǵa joǵaryda atalǵan adamdardy halyqaralyq izdestirý týraly suraý jiberdi me? Eger solai bolsa, aty atalǵan halyqaralyq uiymnyń málimetter bazasynda joq nege olardyń attary joq, bul qazaqstandyq biliktiń nashar suranys daiyndaýymen bailanysty ma?
- LRT boiynsha biýdjet qarajatynyń qandai úlesin osy eki adam jymqyrdy? Urlanǵan biýdjet qarajatynyń qai bóligi memleketke qaitaryldy?
- Damyǵan elderdiń tájiribesin eskerip, bul qarajatty Qazaqstanǵa qaitarý máselesin pysyqtaý qajet. Osy maqsatta Ulybritaniiadan, AQSh-tyń birqatar shtattarynan jáne basqa elderden úlgi alyp, sybailas jemqorlyqqa qarsy zańnamaǵa "shyǵý tegi túsiniksiz bailyq" týraly erejeni engizýimiz, olardy Qazaqstanǵa qaitarý tártibi týraly ekijaqty kelisimder júrgizýimiz kerek.
Aita keteiik, 2019 jyldyń jeltoqsanynda Sybailas jemqorlyqqa qarsy qyzmet elorda ákiminiń burynǵy orynbasary Qanat Sultanbekov pen Astana LRT kompaniiasynyń burynǵy basshysy Talǵat Ardanǵa izdeý jariialady.
Ardan Astana LRT-ny 2014-2017 jyldar aralyǵynda basqardy. Antikordyń aitýynsha, ol urlyq faktisin anyqtamai turyp, elden ketken.
Tártip saqshylary qylmystyq áreketti ákimniń orynbasary Sultanbekov pen Astana LRT basshysy Ardan uiymdastyrǵanyn, sheteldik jáne qazaqstandyq kompaniialardyń qatysýymen jasaǵanyn málimdedi.
