Taldyqorǵan qalalyq bilim bóliminiń qyzmetkerleri milliardtaǵan qarjy jymqyrdy degen kúdikke ilindi, - dep habarlaidy "Ult aqparat" Antikor baspasóz qyzmetine silteme jasap.
Sybailas jemqorlyqqa qarsy qyzmet Jetisý oblysynyń prokýratýrasynyń úilestirýimen Taldyqorǵan qalasy bilim bóliminiń qyzmetkerlerin ustaǵan.
"Atalǵan azamattar bilim berý salasynda is júzinde jumys istemeitin úlestes tulǵalardyń paidasyna jalaqy túrindegi óteýsiz aýdarý jolymen asa iri mólsherde biýdjet qarajatyn júieli negizde urlady dep kúdiktenedi. Aldyn ala keltirilgen zalal somasy - shamamen 2 milliard teńge", - delingen habarlamada.
Qazirgi tańda istiń mán-jailaryna tiesili 29 jyljymaityn múlik obektisine, qymbat avtokólikterge tyiym salyndy. Kúdikti adamdar ustalyp, sottyń sanktsiiasymen qamaýǵa alyndy.
Sotqa deiingi tergeý jalǵasyp jatyr. QPK-niń 201-babyna sáikes tergeý múddesi úshin ózge aqparat jariia etýge jatpaidy.
"Sonymen birge, Konstitýtsiianyń 77-baby 3-tarmaǵynyń 1-tarmaqshasyna jáne Qylmystyq-protsestik Kodeksiniń 19-baby 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árqaisysy kinásiz dep esepteledi", - dep tolyqtyrdy vdeomstvo.
video: instagram.com/samal_kabysheva
