© Reuters
Amerikalyq milliarder Djordj Soros Reseidiń Ýkrainaǵa basyp kirýi Úshinshi dúniejúzilik soǵys bastalýyna ákelýi múmkin ekenin aitty, - dep habarlaidy Tengrinews.kz agenttigi Reuters saityna silteme jasap.
"Reseidiń basyp kirýi Úshinshi dúniejúzilik soǵystyń basy bolýy múmkin jáne bizdiń órkeniet odan aman qalmaýy yqtimal. Órkenietimizdi saqtap qalýdyń eń jaqsy jáne jalǵyz joly - Pýtindi múmkindiginshe tezirek jeńý. Másele osynda", - dedi Soros Davostaǵy Dúniejúzilik ekonomikalyq forýmda.
Sondai-aq, qarjyger eýropalyqtar gazǵa kelgende Reseige táýeldi bolýyna kináni Germaniia eks-kantsleri Angela Merkeldiń Máskeýmen jasaǵan "arnaiy kelisimderine" júktedi.
"Eýropanyń reseilik qazba otyndaryna táýeldi bolýy, negizinen, Merkel júrgizgen saiasatqa bailanysty shekten tys qalyp otyr. Ol Reseimen gaz jetkizý boiynsha arnaiy kelisimder jasap, Qytaidy Germaniianyń eń iri eksporttyq naryǵyna ainaldyrdy", - dep keltiredi Sorostyń sózin Politico.
