Qazaqstandyq, álemniń 90-raketkasy Mihail Kýkýshkin Melbýrndaǵy Murray River Open týrnirin jeńispen bastady, dep habarlaidy "Ult aqparat".
Qazaqstandyq tennisshi alǵashqy kezdesýin álemniń 81-raketkasy, argentinalyq Hýan Ignasio Londeromen ótkizdi.
Birinshi partiiada H.Londero 6:4 esebimen basym tússe, ekinshisinde M.Kýkýshkin ese qaiyra aldy – 7:5.
Úshinshi, sheshýshi setti qazaqstandyq tennisshi qarqyndy bastap, 3:0 esebimen alǵa ketti. Aqyry ol matchty taǵy bir breikpen túiindedi – 6:2.
Tartysty ótken báseke 2 saǵat 18 minýtqa sozyldy.
M.Kýkýshkin ekinshi ainalymda álemniń 18-inshi, osy dodanyń 1-raketkasy, shveitsariialyq Stanislas Vavrinkamen kúsh synasady.
