Kollaj: Tengrinews.kz
Almaty zoobaǵyndaǵy Vaska men Momyn atty iagýarlardyń Mika men Madi atty egizi dúniege keldi, - dep habarlaidy Tengrinews.kz portaly.
"Olar 9 shildede týǵan, biraq biz olar týraly qazir ǵana aityp otyrmyz, óitkeni biz óte yrymshylmyz jáne tólderdiń kúsheiip ósýin kúttik. Mika ákesine uqsaidy, terisiniń túsi qara, al Madi anasy siiaqty, terisi teńbil. Biraq Mikanyń minezi anasyna tartqan, óte meiirimdi, al Madi anasyna uqsasa da, ákesi Vaska siiaqty shapshań tentek", - delingen zoobaq habarlamasynda.
Zoobaq málimetinshe, jalpy, anasy men tólderdiń jaǵdaiy jaqsy. Kez kelgen úi marǵaýlary siiaqty, Madi men Mika da bir-birimen nemese anasynyń quiryǵymen oinaǵandy unatady.
Iagýarlar Ońtústik Amerikanyń jyly elderin mekendeitindikten, olar qysta "Jyrtqysh sútqorektiler" pavilonynda turady. Haiýanattardy Almaty zoobaǵynan tamashalaýǵa bolady.
