AQSh-tyń Niýeigo qalasyndaǵy (Michigan shtaty) mektepterdiń birinde oqýshy qoldan jasalǵan jarylǵysh qurylǵyny mektepke ákelip, abaisyzda iske qosqan, dep habarlady shtat politsiiasy. Bul jaiynda MLive.com saity habarlady.
Dúisenbi kúni tańerteń synypta qoldan jasalǵan bomba jarylyp, tórt oqýshy men muǵalim jeńil jaraqat aldy.
Shtat politsiiasy qurylǵyny ákelgen 16 jasar oqýshynyń orta dárejeli jaraqat alǵanyn aitty.
Muǵalim men tórt oqýshy meditsinalyq kómekke júgingen.
Niýeigo politsiiasy 08:52-de synyptaǵy jarylys týraly habar alǵan, deidi shtat politsiiasy.
Aldyn ala málimet boiynsha, 16 jastaǵy jasóspirim qoldan jasalǵan bombany mektepke ákelip, ony abaisyzda iske qosqan. Tergeý amaldary bastaldy.
Niýeigo okrýginiń barlyq basqa mektepteri politsiia oqýshylarǵa basqa eshteńe qaýip tóndirmeitinin anyqtaǵanǵa deiin jabyldy.
Politsiia bombanyń neden jasalǵanyn jáne oqýshy ony mektepke ne úshin ákelgenin anyqtap jatyr.
Minalardy tazartý jónindegi memlekettik politsiia jasaǵy, FBR jáne Alkogol, temeki, atys qarýy jáne jarylǵysh zattar jónindegi federaldy biýro (ATF) oqiǵa ornynda.
Olar paidalanylǵan jarylǵysh zattardy anyqtaýǵa kómektesýde.
Politsiia turǵyndardan mektepke jaqyndamaýyn surady.
