Aqparat jáne qoǵamdyq damý ministrliginiń Azamattyq qoǵam isteri komiteti «Meirimdiler klýby» volonterlik uiymymen birlese otyryp 1 naýryz kúni «Meiirimdi sársenbi» jobasyn iske qosty.
Azamattyq qoǵam isteri komitetiniń tóraǵasy Áliia Ǵalymovanyń sózine sáikes «Joba ideiasy muqtaj jandarǵa volonterlerdiń, azamattardyń, ÚEU, biznes ókilderin meirimdi isterge belsendi tartý. Atalǵan is-shara Alǵys aitý kúninde Dostyq úiinde bastalýy oryndy.
Joba «Meiirimdi úishik» janýarlarǵa kómek aktsiiasynan bastaldy.
1 naýryz kúni Nur-Sultan qalasynda 30 bala ata-analarymen qosa osy aktsiiaǵa qatysty. Balalar óz qoldarymen janýarlarǵa arnalǵan úishikterdi boiady. Eń kishkentai qatysýshysynyń jasy – 3,5 jas, eń úlken qatysýshy - 13 jasta. Árbir bala keiinnen qamqorlyq jasaityn janýarlarǵa hat jazdy.
Daniianyń (7 jas) anasy Gúlnara Qazmuhanbetovanyń aitýynsha, aktsiiany áleýmettik jeli arqyly ótetindigi týraly bilip, osy aktsiiaǵa qatysý týraly sheshim qabyldady. Sebebi Daniia muqtaj adamdarǵa, onyń ishinde janýarlarǵa da kómektesýdi qalaidy.
Daniia óziniń hatynda bylai dep jazdy: «Men siiaqty árkimniń joly bolmaityndyǵyn bilemin. Meniń úiim, otbasym, tamaǵy bar. Men seniń jylyda bolmaǵanyńdy jáne muńaimaǵanyńdy qalaimyn. Men seniń otbasyńnyń jáne tamaǵyńnyń bolǵandyǵyń qalaimyn».
2 balanyń anasy Aiarý (8 jasta) jáne Islam (10 jasta) Gúljanara Sartaevanyń aitýynsha: «Biz mundai sharaǵa birinshi ret qatysyp otyrmyz. Biraq meniń balalarym bul kúndi asyǵa kútti. Osyndai igi iske atsalysyp, kishi baýyrlarymyzdyń qamqorlyǵyna óz úlesterimizdi qosqanymyzǵa óte qýanyshtymyz. Biz balalarmen birge janýarlar baspanasyna mindetti túrde baramyz. Balalarǵa bul unady».
Ata-analar «Volonter jylyna» rizashylyqtaryn bildirip, bizdiń azamattarymyzdyń kópshiligi igi isterdi júzege asyrýǵa qatysatyndyǵyn atap ótti.
Gýlmira Abdrasheva, Qaiyrymdylyq klýbynyń negizin qalaýshysy jáne «Virgemiz: Qamqor» jobasynyń ambassadory, Volonter jyly aiasynda bul aktsiia meiirimdilikke bastaityn alǵashqy qadam ekenin atap ótti. Keibir balalar úisiz janýarlardyń baryn bilmedi. Mundai gýmanitarlyq bastamalar únemi jalǵasyp otyrýy kerek, óitkeni olar toptastyrýǵa, meiirimdilikke, sanany jańǵyrtýǵa baǵyttalǵan.
Balalar shyǵarmashylyǵymen bezendirilgen úishikter «StopOtlov» janýarlar baspanasyna beriledi.
Aita ketý kerek, janýarlar arnalǵan úishikter mentaldi buzýshylyqtary bar adamdar jumys jasaityn Green Tal áleýmettik sheberhanasynda jasalǵan.
Is-shara «Birgemiz» urany - Volonter jyly aiasynda ótti.
