Belgili metsenat, «ZHERSU» investitsiialyq-óndiristik korporatsiiasynyń baqylaý keńesiniń tóraǵasy Baýyrjan Ospanov aýyl halqyna meshit salyp berdi. Qulshylyq úii Almaty oblysynyń Alakól aýdanyna qarasty Lepsi aýylynda boi kóterdi, dep habarlaidy QazAqparat tilshisi.
150 adamǵa laiyqtalǵan jańa meshittiń ashylýyna «Qasietti Qazaqstan» ǵylymi-zertteý ortalyǵynyń basshysy Berik Ábdiǵali, Qazaqstan Musylmandary Dini basqarmasynyń naib mýfti Alaý Ádilbaev, Taldyqorǵan óńiri boiynsha ókil imam Ardaq Núsiphanuly, Alakól aýdanynyń qurmetti azamaty Muqash Baiǵarashov, belgili metsenat «ZHERSU» investitsiialyq-óndiristik korporatsiiasynyń baqylaý keńesiniń tóraǵasy Baýyrjan Ospanov jáne alakóldik iamamdar men turǵyndar qatysty.
Jańa meshitke Ermek Ýtbaev imam bolyp taǵaiyndalyp, quran oqydy.
