Jambyl oblysy Merki aýdandyq aýrýhanasy dárigeriniń áleýmettik jelidegi shaǵymy boiynsha qyzmettik tekserý bastaldy. Bul týraly oblys ákiminiń baspasóz qyzmeti málimdedi, - dep habarlaidy "Ult aqparat".
Aita keteiik, buǵan deiin koronavirýs infektsiiasyn juqtyryp alǵan atalǵan aýdandyq aýrýhananyń infektsionist dárigeri Tolqynai Ordabaeva áleýmettik jelide ózi qyzmet etetin aýrýhanaǵa qatysty shaǵymdaryn jetkizgen bolatyn.
Ol emdeý mekemesiniń meditsina qyzmetkerlerin maska tigýge májbúrlegenin, jumysta eshqandai maska men qorǵanysh quraldary berilmeitinin, bunyń barlyǵy immýnitettiń álsireýine alyp kelgenin aityp, narazylyǵyn bildirgen edi.
Al, oblys ákimi baspasóz qyzmetiniń habarlaýynsha, búginde densaýlyq saqtaý basqarmasy jáne taýarlar men qyzmetterdiń sapasy men qaýipsizdigin baqylaý komitetiniń departamentimen birlese otyryp, Merki aýdandyq ortalyq aýrýhanasynyń dárigeri T.Ordabaevanyń áleýmettik jelilerde jariialanǵan shaǵymy boiynsha qyzmettik tekserý bastalǵan.
«Dáriger-infektsionist T. Ordabaeva 1,75 shtattyq birlikke (saǵat 9-dan 18.00-ge deiin) sáikes laýazymdyq jalaqymen jumys istegen. Onyń ishinde-0,25 shtattyq birlik onyń óz kelisimi boiynsha densaýlyǵyna bailanysty eńbekke jaramsyzdyǵyna qatysty áriptesiniń ýaqytsha mindetin atqarǵan.
Aǵymdaǵy jyldyń 3 sáýirinde T. Ordabaeva dene qyzýynyń joǵarylaýyna shaǵymdanǵan. Odan zerthanalyq taldaýlar (PTR) alynyp, qorytyndysyna sáikes koronavirýstyq infektsiiany juqtyrǵandyǵy rastalǵan. Epidemiologiialyq tekserýler júrgizilip, virýs juqtyrǵan dárigermen jaqyn bailanysta bolǵan 5 adam anyqtalyp, karantinge ornalastyryldy.
Naýqas infektsiialyq statsionardyń eki oryndyq boksynda osyndai diagnozy bar basqa patsientpen birge jatqyzylǵan. Bul sanitarlyq-epidemiologiia talaptaryna qaishy kelmeidi. Densaýlyq saqtaý ministrligi bekitken emdeý hattamasyna sáikes Alýviia preparatyn qabyldaǵan»,-delingen vedomstvo habarlamasynda.
Sondai-aq, Bas memlekettik sanitarlyq dárigerdiń qaýlysyna sáikes, zerthanalyq rastalǵan diagnozy bar emdelýshilerde PTR-nyń qaitalanǵan taldaýlary tek shyǵar aldynda ǵana eki ret alynatyndyǵy, emdeýge jatqyzý kezinde qaitadan taldaý alý talap etilmeitindigi aitylǵan.
«Búgingi kúni aýdandyq aýrýhananyń meditsina qyzmetkerleri tolyq kólemde jeke qorǵanys quraldarymen qamtamasyz etilgen. 1000 - nan astam meditsinalyq bir rettik meditsianalyq betperdeler, kóp ret qoldanylatyn maskalar – 1600, bir ret qoldanylatyn kostiýmder – 1200 birlik, dezinfektsiialyq quraldar-40 myń «Diahlora» tabletkasy, 15 litr antiseptikter bar. Aǵymdaǵy jyly aýrýhana 3 million 468 myń teńgege JQQ jáne dezinfektsiialyq quraldardy satyp alǵan. Qosymsha 6 million teńgege satyp alýlar josparlanýda. Aǵymdaǵy aida koronavirýsty infektsiianyń taralýyna jol bermeý boiynsha is-sharalarǵa tartylǵan osy aýdandyq aýrýhananyń 20 meditsina qyzmetkeri, sonyń ishinde dáriger T.Ordabaevaǵa da syiaqy tóleý josparlanýda. Ol aitqan barlyq faktiler qyzmettik tergeý barysynda tekseriletin bolady»,-delingen baspasóz qyzmetiniń málimdemesinde.
Jalpy, koronavirýstyq infektsiianyń taralýyna jol bermeý jónindegi is-sharalarǵa oblysqa respýblikalyq biýdjetten 576 million teńge jáne jergilikti biýdjetten 281 million teńge bólingen. Qazirgi tańda 4,1 myń dana bir rettik kostiýmder, 276 myń dana bir rettik betperdeler, 17,8 myń dana respiratorlar, 4,8 myń litr dezinfektsiialyq quraldar men antiseptikter jáne basqa da meditsinalyq buiymdar men preparattar qory bar.
