Germaniia kantsleri Angela Merkel COVID-19 virýsyn juqtyrǵan dárigermen qarym-qatynas jasaǵan soń karantinge jatty. Bul týraly kantslerdiń resmi ókili Shteffen Zaibert málimdedi, dep habarlaidy "Ult aqparat".
«Juma kúni atalmysh dáriger kantslerge pnevmokokk infektsiiasyna qarsy ekpe jasaǵan bolatyn. Keiinnen ol koronavirýstyń bar-joǵyn anyqtaý úshin testileýden ótken, sóitip onyń qaterli indetti juqtyrǵany belgili boldy. Bul jaǵdai búgingi baspasóz konferentsiiasynan keiin kantslerge habarlandy», - deidi Zaibert.
Onyń aitýynsha, kantsler tez arada úi karantinine oqshaýlaný jóninde sheshim qabyldaǵan.
«Ol aldaǵy birneshe kún boiy tekserilip, udaiy baqylaýda bolady. Óitkeni qazirgi satyda testileý naqty nátije kórsetpeýi múmkin», - dep atap ótti kantslerdiń resmi ókili.
Angela Merkel karantinde jatsa da, óziniń qyzmettik mindetterin atqara beredi.
