- Germaniia Kantsleri Angela Merkel 2017 jyly ótetin sailaýda úkimet basshysy qyzmetine óz kandidatýrasyn usynýdy josparlap júrgenin málimdedi, dep habarlaidy QazAqparat Resei jańalyqtary agenttigine silteme jasap.
«Búgin men prezidiým men partiia basqarmasyna Essendegi sezd barysynda Kantsler laýazymyna óz kandidatýramdy usynýǵa daiyn ekenimdi habarladym», - dedi ol Berlinde jýrnalisterge.
Onyń aitýynsha, jeksenbi kúni 5-7 jeltoqsanǵa josparlanǵan partiia sezi úshin qarardyń jobasy jasalatyn bolady.
«Maǵan biraz ýaqyt kerek, sheshimder de kesh qabyldanady, biraq men sheshim qabyldasam, sońyna deiin kúresemin», - dedi saiasatker.
Germaniiada kantslerdi parlamenttik sailaý qorytyndysy boiynsha depýtattar sailaidy - sailaýshylardyń eń kóp daýysyn jinaǵan óz kandidattaryn partiia nemese saiasi kúshter koalitsiiasy usynady.
Merkel alǵash ret GFR kantsleri laýazymyna 2005 jyly taǵaiyndaldy.
