Germaniia kantsleri Angela Merkel 20 tamyzda Máskeýde Resei prezidenti Vladimir Pýtinmen kezdesedi. Bul - onyń Germaniiada qyrkúiekte ótetin sailaýdan keiin saiasattan keter aldyndaǵy sońǵy resmi sapary. Kantsler ofisiniń habaryna qaraǵanda, Merkel men Pýtin koronavirýs indeti men halyqaralyq máselelerdi, Aýǵanstandaǵy jaǵdai men Ýkrainanyń shyǵysyndaǵy janjaldy toqtatý jónindegi kelisimderdiń kidirýi máselesin talqylaidy.
Qurylysy aiaqtalýǵa taiaǵan "Soltústik aǵyn - 2" gaz qubyry da kún tártibine kiredi. Reseidiń tabiǵi gazy Baltyq teńiziniń túbimen ótetin osy qubyr arqyly Germaniiaǵa jetedi.
Merkel Reseiden keiin 22 tamyzda Ýkrainaǵa baryp, Vladimir Zelenskiimen kelissózge otyrady. Resei qoldaityn separatister pen Ýkraina qarýly kúshteriniń konfliktisin retteýge talpynystyń ortasynda Germaniia men Frantsiia bolǵan edi.
Merkeldiń bul sapary Resei oppozitsioneri Aleksei Navalnyidyń ýlanǵanyna bir jyl tolǵan qarsańǵa týra keldi. Navalnyi Pýtin ýlady dep sanaidy, Kreml teriske shyǵarady. Ýlanǵannan keiin Germaniiada emdelgen Navalnyi Reseige kelisimen tutqyndalyp, sottalǵan. Navalnyidy bostandyqqa jiberý jóninde birneshe ret málimdegen Merkel bul máseleni Pýtinmen kelissóz kezinde de aitýy múmkin.
