گەرمانييا كانتسلەرٸ انگەلا مەركەل 20 تامىزدا مەسكەۋدە رەسەي پرەزيدەنتٸ ۆلاديمير پۋتينمەن كەزدەسەدٸ. بۇل - ونىڭ گەرمانييادا قىركٷيەكتە ٶتەتٸن سايلاۋدان كەيٸن ساياساتتان كەتەر الدىنداعى سوڭعى رەسمي ساپارى. كانتسلەر وفيسٸنٸڭ حابارىنا قاراعاندا, مەركەل مەن پۋتين كوروناۆيرۋس ٸندەتٸ مەن حالىقارالىق مەسەلەلەردٸ, اۋعانستانداعى جاعداي مەن ۋكراينانىڭ شىعىسىنداعى جانجالدى توقتاتۋ جٶنٸندەگٸ كەلٸسٸمدەردٸڭ كٸدٸرۋٸ مەسەلەسٸن تالقىلايدى.
قۇرىلىسى اياقتالۋعا تاياعان "سولتٷستٸك اعىن - 2" گاز قۇبىرى دا كٷن تەرتٸبٸنە كٸرەدٸ. رەسەيدٸڭ تابيعي گازى بالتىق تەڭٸزٸنٸڭ تٷبٸمەن ٶتەتٸن وسى قۇبىر ارقىلى گەرمانيياعا جەتەدٸ.
مەركەل رەسەيدەن كەيٸن 22 تامىزدا ۋكرايناعا بارىپ, ۆلاديمير زەلەنسكييمەن كەلٸسسٶزگە وتىرادى. رەسەي قولدايتىن سەپاراتيستەر پەن ۋكراينا قارۋلى كٷشتەرٸنٸڭ كونفليكتٸسٸن رەتتەۋگە تالپىنىستىڭ ورتاسىندا گەرمانييا مەن فرانتسييا بولعان ەدٸ.
مەركەلدٸڭ بۇل ساپارى رەسەي وپپوزيتسيونەرٸ الەكسەي ناۆالنىيدىڭ ۋلانعانىنا بٸر جىل تولعان قارساڭعا تۋرا كەلدٸ. ناۆالنىي پۋتين ۋلادى دەپ سانايدى, كرەمل تەرٸسكە شىعارادى. ۋلانعاننان كەيٸن گەرمانييادا ەمدەلگەن ناۆالنىي رەسەيگە كەلٸسٸمەن تۇتقىندالىپ, سوتتالعان. ناۆالنىيدى بوستاندىققا جٸبەرۋ جٶنٸندە بٸرنەشە رەت مەلٸمدەگەن مەركەل بۇل مەسەلەنٸ پۋتينمەن كەلٸسسٶز كەزٸندە دە ايتۋى مٷمكٸن.
