Qazaqstannyń Tuńǵysh Prezidenti Nursultan Nazarbaev MAGATE Bas direktorynyń orynbasary Meri Elis Heiýordpen kezdesti, dep habarlaidy "Ult aqparat" elbasy.kz saityna silteme jasap.
Elbasy kezdesý barysynda Qazaqstannyń MAGATE-men yntymaqtastyq deńgeiiniń joǵary jáne ózara is-qimylynyń tiimdi ekenin atap ótti.
- Búgingi saltanatqa qatysqanyńyz úshin alǵys bildiremiz. Qaitys bolǵan Amano men Lassina Zerbo myrza berilgen marapatqa laiyq dep sanaimyn. Qazaqstan MAGATE-men belsendi jumys isteidi. Biz iadrolyq synaq poligonyna irgeles jatqan aýmaqtardy qalpyna keltirý boiynsha birlesip qyzmet etemiz jáne tómen baiytylǵan ýran bankiniń jumysyna qatysamyz. Bizdiń «Qazatomprom» kompaniiasy - atalǵan Banktiń jetkizýshileriniń biri», - dedi Qazaqstannyń Tuńǵysh Prezidenti.
Óz kezeginde Meri Elis Heiýord Elbasyna MAGATE-ni belsendi qoldaǵany jáne birlesken jobalardy júzege asyrýda jemisti yntymaqtastyǵy úshin alǵysyn jetkizdi.
