Merekelik is-sharalar kezinde politsiia avtopatrýlderiniń sany kóbeitiledi. Bul týraly QR Ishki ister ministrliginiń resmi ókili Nurdildá Oraz brifingide málim etti, dep habarlaidy QazAqparat.
«Jańa jyl qarsańynda ishki ister organdarynyń jeke quramy kúsheitilgen qyzmetke kóshedi. Politsiia quqyqtyq tártip pen azamattardyń qaýipsizdigin, jol qaýipsizdigin qamtamasyz etý, sondai-aq quqyq buzýshylyqtar men qylmystardyń aldyn alý boiynsha is-sharalar keshenin júrgizip jatyr. Quqyq buzýshylyqtar týraly habarlamalarǵa ýaqtyly den qoiý úshin merekelik is-sharalar kezinde politsiia avtopatrýlderiniń sany kóbeitiledi», - dedi resmi ókil.
Onyń aitýynsha, is-sharalar ótkiziletin jáne azamattardyń jappai qydyratyn oryndarynda, kóshelerde politsiia nariadtarynyń, onyń ishinde jaiaý nariadtardyń sany artady. Qoǵamdyq oryndarda beinebaqylaý kúsheitiledi.
Budan buryn habarlanǵandai, apta ishinde 3031 qylmys tirkelip, táýlik ishinde onyń 1977-siniń beti ashyldy.
