Búgin Nur-Sultan qalasynyń ákimi Baqyt Sultanov baspana kezeginde turǵan elordalyqtarǵa páter kiltin tabystady. Olardyń qatarynda 24 kópbalaly otbasy bar, dep habarlaidy qala ákimdiginiń resmi saity.
Qazaqstan halqynyń birligi kúni elordada «Nurly jer» turǵyn úi qurylysy baǵdarlamasyn iske asyrý sheńberinde «Turǵyn úi qurylys jinaqtary júiesi arqyly nesielik turǵyn úi salý», «Satyp alýsyz jalǵa beriletin turǵyn úi» baǵyttary aiasynda Nur-Sultan qalasy ákimdiginiń tapsyrysymen A 98 k-si jáne E 496 k-si mekenjailary boiynsha jańa kópqabatty turǵyn úi keshenderi (MTJ) salyndy.
E 496 kóshesindegi turǵyn úi kesheni 364 páterdi qamtidy, olardyń 182-si kezekte turǵandar arasynda bólingen, olardyń ishinde halyqtyń áleýmettik jaǵynan osal toptarynyń ókilderi, sonyń ishinde kópbalaly analar, memlekettik qyzmetkerler men biýdjettik uiymdardyń qyzmetkerleri bar. Taza árlengen turǵyn úidiń 1 sharshy metri naryqtyq baǵadan áldeqaida tómen jáne 180 myń teńgeni quraidy. Merdiger -«Edem» JShS.
A 98 kóshesindegi turǵyn úi kesheninde barlyǵy 53 páter berildi. Onyń ishinde kópbalaly analarǵa 10 páter bólindi. Bul jaldamaly turǵyn úi Nur-Sultan ákimdiginiń kezeginde turǵan halyqtyń áleýmettik-osal toptaryna satyp alý quqyǵynsyz beriledi. Bas merdiger - «KazStroiPodriad» JShS. «Búgin - kezekte turǵan elordalyqtar úshin úlken qýanysh.
«Nurly jer» turǵyn úi qurylysy baǵdarlamasyn júzege asyrý arqasynda 417 otbasy baspanaly boldy. Barshańyzdy kópten kútken jáne aitýly oqiǵamen quttyqtaimyn. Sizderdiń úilerińizde árqashan beibitshilik, kelisim jáne amandyq ústemdik etsin!», - dedi B.Sultanov.
Saltanatty rásimnen keiin Baqyt Sultanov jańa TK aýlasyna aǵash otyrǵyzdy.
Qazirgi ýaqytta Elbasynyń bes áleýmettik bastamasy aiasynda qurylys qarqyny men qosymsha tetikter esebinen turǵyn úi salasyndaǵy jaǵdai aitarlyqtai jaqsarýda.
Biyl Nur-Sultan qalasynda jalpy aýdany 141,8 myń sharshy metr 1,9 myń páterden astam jeti MJK paidalanýǵa berý josparlanǵan. Bul rette demografiialyq protsester men kóshi-qon aǵyndaryn eskere otyryp, turǵyn úige muqtaj azamattardyń sany ulǵaiýda.
Búgingi tańda elordada 45 748 adam baspana kezeginde tur.
