Táýelsizdik kúni men Jańa jyl merekelerine orai «Jolaýshylar tasymaly» AQ eki baǵytta qosymsha elektr poiyzdaryn jolǵa shyǵarady, – dep habarlady kompaniianyń baspasóz qyzmeti.
Atap aitqanda, kompaniia málimetinshe, «Nur-Sultan-Atbasar» baǵytynda № 6803/6804 elektr poiyzy 2019 jyldyń 17 jáne 31 jeltoqsany men 2020 jyldyń 7 qańtarynda, «Nur-Sultan-Pavlodar» baǵytynda № 7502/7501 elektr poiyzy 2019 jyldyń 14 jáne 28 jeltoqsany men 2020 jyldyń 4 qańtarynda, «Nur-Sultan-Pavlodar» baǵytynda № 7510/7509 elektr poiyzy 2019 jyldyń 13, 15, 17, 30 jáne 31 jeltoqsany men 2020 jyldyń 3, 4, 7 qańtarynda qatynaityn bolady.
Sondai-aq, «Almaty-Novosibir» baǵytyndaǵy №301/302 jolaýshylar poiyzy bir rettik saparǵa shyǵady. Almatydan 2020 jyldyń 2 qańtarynda, al keri baǵytta Novosibir qalasynan 4 qańtarda jolǵa shyǵady. Buǵan deiin habarlanǵandai, mereke kúnderi ulttyq tasymaldaýshy tórt baǵyt boiynsha («Almaty-2-Shymkent», «Almaty-2-Túrkistan», «Mańǵystaý-Beineý», «Nur-Sultan-Shý») qosymsha poiyzdardy iske qosqan bolatyn.
Poiyzdardyń qozǵalys kestesi boiynsha barlyq aqparatty 105 biryńǵai anyqtama qyzmeti arqyly alýlaryńyzǵa bolady (statsionarlyq telefonnan qońyraý shalý tegin).
