Foto: Polisia.kz
Mereke kúnderi internet-alaiaqtar da áreketin kúsheitedi. Olar azamattardy jalǵan jańajyldyq ashyqhattar, qaýipti faildar jáne baǵasy ádeii tómendetilgen syilyqtar arqyly aldaýǵa tyrysady. Quqyq qorǵaý organdary qazaqstandyqtardy saq bolýǵa shaqyrady, dep habarlaidy Ult.kz.
Alaiaqtar kóbine animatsiiasy men mýzykasy bar «quttyqtaý ashyqhattaryn» jiberedi. Fail ashylǵan sátte qurylǵyǵa virýs enip, bank kartalaryna, parolderge jáne qosymshalarǵa qol jetkizýi múmkin.
Sonymen qatar áleýmettik jeliler men messendjerlerde naryqtaǵy baǵadan áldeqaida arzan syilyqtar men taýarlar týraly jalǵan habarlandyrýlar jii kezdesedi. Satýshy jábirlenýshini aqshany shuǵyl aýdarýǵa kóndirip, tólem jasalǵannan keiin birden bailanysqa shyqpai qoiady.
Mamandardyń aitýynsha, alaiaqtar senimdi kóriný úshin jalǵan akkaýnttar men qoldan jasalǵan pikirlerdi belsendi paidalanady.
Qaýipsizdik úshin azamattarǵa beitanys satýshylarǵa aldyn ala aqsha aýdarmaýǵa, akkaýnttyń tarihy men pikirlerdi muqiiat tekserýge, taýardy alǵannan keiin ǵana tólem jasaýǵa jáne kúmándi faildar men siltemelerdi ashpaýǵa keńes beriledi.
Mamandar qaýipsizdik kez kelgen «tiimdi usynystan» mańyzdy ekenin eskertedi.
